រោគសញ្ញានិងការព្យាបាលជំងឺមហារីកមាត់ស្បូន
មាត់ស្បូន ឬកស្បូនជាផ្នែកមួយតភ្ជាប់រវាងទ្វារមាសរបស់ស្ត្រីទៅកាន់តួស្បូន ដែលតែងតែទទួលរងផលប៉ះពាល់ និងឆ្លងមេរោគញឹកញាប់បំផុតនៅពេលរួមភេទ។ ជាក់ស្តែង គេសង្កេតឃើញថា មហារីកមាត់ស្បូន ជាផលប៉ះពាល់មួយក្នុងផលប៉ះពាល់ជាច្រើននោះ ដែលសម្លាប់ស្ត្រីច្រើនជាងគេលំដាប់ទី ១ ក្នុងចំណោមមហារីកទាំងអស់។
1/រោគសញ្ញាជំងឺមហារីកមាត់ស្បូន៖
-ការហូរឈាមក្នុងពេលរួមភេទ
-ការហូរឈាមខុសប្រក្រតី ចន្លោះពេលមករដូវ
-ការហូរឈាមក្រោយអស់រដូវ
-មានក្លិនមិនល្អ ធ្លាក់ស ឬ ទឹកថ្លាៗដូចទឹកភ្លៀងច្រើនខុសប្រក្រតី
*រោគសញ្ញាកម្រជួបប្រទះ៖
-ឈឺពោះផ្នែកខាងក្រោម រឺឈឺត្រគាក
-បញ្ហាពោះវៀន រឺប្លោកនោម
-ហើមជើង
*កត្តាហានិភ័យនៃជំងឺមហារីកមាត់ស្បូន៖
-ឆ្លងមេរោគ HPV
-ការជក់បារី
-ប្រព័ន្ធភាពស៊ាំ ធ្លាក់ចុះ
-ឆ្លងមេរោគប្រមេះ
-ញ៉ាំផ្លែឈើ និងបន្លែតិចតួច
-ធាត់លើសទម្ងន់
-ប្រើថ្នាំពន្យារកំណើតយូរអង្វែង
-ប្រើកងដាក់ក្នុងស្បូន
-ផ្តល់កំណើតកូនភ្លោះ
-មានកូនពេលអាយុក្រោម ១៧ ឆ្នាំ
-គ្រួសារធ្លាប់មានប្រវត្តិកើតជំងឺមហារីក
-ការប្រើប្រាស់ឱសថអ័រម៉ូន Diethylstilbestrol (DES)
2/ការព្យាបាលជំងឺមហារីកមាត់ស្បូន៖
-ការព្យាបាលដោយការវះកាត់ (Surgery)
-ការព្យាបាលដោយ កាំរស្មី (Radiotherapy)
-ការព្យាបាលដោយ ថ្នាំគីមី (Chemotherapy)
-ឳសថជីវសាស្ត្រ (biological therapy) និង ឳសថបង្កើនភាពស៊ាំប្រឆាំងមេរោគមហារីក(Immunotherapy)
*ប្រសិនបើមានរោគសញ្ញាណាមួយសង្ស័យ សូមធ្វើការណាត់ជួបជាមួយគ្រូពេទ្យជំនាញជំងឺមហារីកដើម្បីពិគ្រោះយោបល់អំពីការព្យាបាល និងទទួលបាននូវជំរើសព្យាបាលមួយត្រឹមត្រូវ និង មានប្រសិទ្ធភាពបំផុត។
