រដ្ឋសភា បានបើកកិច្ចប្រជុំវិសាមញ្ញ របស់ខ្លួនដើម្បីបោះឆ្នោតផ្តល់សេចក្តីទុកចិត្តលើ ការតែងតាំងឯកឧត្តម ហ៊ុន ម៉ានី រដ្ឋមន្រ្តីក្រសួងមុខងារសាធារណៈ ជាឧបនាយករដ្ឋមន្រ្តីនិងបន្ថែមទេសរដ្ឋមន្រ្តី ទទួលបន្ទុកបេសកកម្មពិសេស២រូបថែមទៀត

នៅព្រឹក ថ្ងៃទី២១ ខែកុម្ភៈ ឆ្នាំ២០២៤នេះ រដ្ឋសភា បានបើកកិច្ចប្រជុំវិសាមញ្ញ របស់ខ្លួនដើម្បីបោះឆ្នោតផ្តល់សេចក្តីទុកចិត្តលើ ការតែងតាំង ឯកឧត្តម ហ៊ុន ម៉ានី រដ្ឋមន្រ្តីក្រសួងមុខងារសាធារណៈ ជាឧបនាយករដ្ឋមន្រ្តី។

ក្រៅពីបោះឆ្នោតផ្តល់សេចក្តីទុកចិត្តលើការតែងតាំង ឯកឧត្តម ហ៊ុន ម៉ានី, រដ្ឋសភាក៏នឹងបោះឆ្នោតផ្តល់សេចក្តីទុកចិត្តលើការស្នើតែងតាំងបន្ថែមទេសរដ្ឋមន្រ្តី ទទួលបន្ទុកបេសកកម្មពិសេស២រូបថែមទៀតនោះគឺ ឯកឧត្តម ស្រ៊ី ថាមរុង្គ និង ឯកឧត្តម ប៉ែន វិបុល ផងដែរ។

កិច្ចប្រជុំ បានធ្វើឡើងក្រោមអធិបតីភាព សម្តេចរដ្ឋសភាធិការធិបតី ឃួន សុដារី ប្រធានរដ្ឋសភា ដោយមានការចូលរួមពី សម្តេចតេជោ ហ៊ុន សែន, សម្តេចអគ្គមហាពញាចក្រី ហេង សំរិន, សម្តេចធិបតី ហ៊ុន ម៉ាណែត និងសមាជិកនានារបស់រដ្ឋសភាផងដែរ៕