ប្រយោគសាមញ្ញ ដែលប្ដីប្រពន្ធគួរតែនិយាយជាមួយគ្នាឱ្យបានច្រើន ដើម្បីឱ្យគ្រួសារមានក្ដីសុខ និងសុភមង្គល

ជាការពិតណាស់ ប្ដីប្រពន្ធនៅជាមួយគ្នារាល់ថ្ងៃ លែងអីនឹងមានបញ្ហា ឬការប៉ះទង្គិចគ្នាខ្លះៗហើយ តែយ៉ាងណាក៏ដោយ ពាក្យសន្ទនាមួយចំនួន ដែលប្ដីប្រពន្ធគួរតែនិយាយជាមួយគ្នាឱ្យបានច្រើន វានឹងជួយបង្កើននូវអារម្មណ៍ល្អៗ ក៏ដូចជាសាងទំនាក់ទំនងរវាងគ្នាឱ្យកាន់តែស្និទ្ធស្នាល។

ដូច្នេះខាងក្រោមនេះ គឺជាពាក្យសន្ទនាទាំង9ឃ្លា ដែលប្ដីប្រពន្ធគួរតែនិយាយគ្នាឱ្យបានច្រើន ដើម្បីជួយឱ្យគ្រួសារកាន់តែមានក្ដីសុខ សុភមង្គល និងភាពកក់ក្ដី ៖

1. ខ្ញុំស្រឡាញ់អ្នក

មានអត្ថន័យធំទូលាយណាស់ចំពោះមនុស្សដែលអ្នកស្រឡាញ់ហើយពាក្យទាំងនោះជាពាក្យដែលមិនចេះអស់ខ្លឹមសារឡើយនិយាយពាក្យនេះទៅកាន់ដៃគូរបស់អ្នក ដោយចិត្តស្មោះត្រង់ ដើម្បីធ្វើឱ្យមនុស្សម្នាក់ទៀតមានអារម្មណ៍ស្រឡាញ់អ្នកកាន់តែខ្លាំង។

2. ថ្ងៃនេះអារម្មណ៍យ៉ាងណាដែរ?

បន្ទាប់ពីការធ្វើការហត់នឿយពេញមួយថ្ងៃ អ្វីដែលអ្នកត្រូវការគឺនៅជាមួយមនុស្សដែលអ្នកស្រលាញ់ ហើយប្រាប់ពួកគេអំពីអ្វីៗដែលបានកើតឡើងនៅក្នុងថ្ងៃនេះ។ដូច្នេះផ្តល់ឱ្យមនុស្សម្នាក់ទៀតនូវឱកាសដើម្បីចែករំលែកថ្ងៃរបស់ពួកគេ ជាមួយនឹងសំណួរ និងការសួរនាំដូចជាឃ្លា “ថ្ងៃនេះយ៉ាងម៉េចដែរ? ហត់ទេ?” នេះជាសំណួរដែលបង្ហាញថា អ្នកពិតជាយកចិត្តទុកដាក់ចំពោះសុខទុក្ខដៃគូ។

3. ខ្ញុំសប្បាយចិត្តណាស់ដែលបាននៅជាមួយអ្នក

អ្នកអាចនៅជាមួយនរណាម្នាក់ ប៉ុន្តែចុងក្រោយអ្នកបានចែករំលែកជីវិតរបស់អ្នកជាមួយមនុស្សពិសេស នេះហើយអ្នកមានអំណរគុណចំពោះវា។ ដូច្នេះការបង្ហាញពីអារម្មណ៍រីករាយ និងកក់ក្ដៅដែលអ្នកទទួលបាន ពេលបាននៅក្បែរគូស្នេហ៍ ឬប្ដីប្រពន្ធអ្នក គឺបង្ហាញថា ម្នាក់នោះពិតជាសំខាន់ខ្លាំងសម្រាប់អ្នក។

4. ខ្ញុំជឿជាក់ និងទុកចិត្តអ្នក

អ្វីដែលសំខាន់បំផុតនៅក្នុងទំនាក់ទំនង គឺការជឿទុកចិត្ត និងការគោរពចពោះគ្នា។ ឱ្យអ្នកផ្សេងដឹងថាអ្នកគោរពគំនិត និងទស្សនៈរបស់ដៃគូ ហើយជឿជាក់លើគាត់ជានិច្ចក្នុងរាល់ការសម្រេចចិត្តរបស់ពួកគេ។

5. អ្នកគឺជាអាទិភាពរបស់ខ្ញុំ

“ អាទិភាព” គឺជាពាក្យដែលប្រាប់អ្នកផ្សេងពីអត្ថន័យរបស់អ្នក។ ឱ្យដៃគូរបស់អ្នកដឹងពីរឿងនេះហើយពួកគេនឹងថែរក្សា ការពារអ្នកបន្ថែមទៀត។

6. ខ្ញុំសុំទោស

រាល់ទំនាក់ទំនងតែងតែមានគុណវិបត្តិ ហើយពេលខ្លះអ្នកណាម្នាក់អាចធ្វើខុស។ នេះជារឿងធម្មតាទេ។ ប៉ុន្តែប្រសិនបើអ្នកមិនដឹងពីរបៀបសុំទោស និងអភ័យទោសទេ វានឹងមិនមានរឿងធម្មតាទេ។ ការសុំទោសដ៏សាមញ្ញមួយពិតជាអាចកែការយល់ច្រឡំបាន ហើយក៏អាចធ្វើឱ្យម្ខាងទៀតចិត្តត្រជាក់បានដែរ។

7. ខ្ញុំមិនយល់ស្របនឹងអ្នកទេ

ការចែករំលែកគំនិតរបស់អ្នកពិតជាវិធីដើម្បីឱ្យមានទំនាក់ទំនងរីករាយ។ ដូច្នេះប្រាប់មនុស្សម្នាក់ទៀតនូវទស្សនៈរបស់អ្នកដោយស្មោះត្រង់ ទោះបីអ្នកប្រហែលជាមិនយល់ស្របនឹងពួកគេក៏ដោយ។ យើងទាំងអស់គ្នាមានសិទ្ធិផ្តល់យោបល់ ដូច្នេះដៃគូមិនអាចចេះតែស្របតាមគ្នា ទាំងងងឹតងងល់មិនខ្វល់ថាខុស ឬត្រូវនោះឡើយ សំខាន់ត្រូវចេះបញ្ចេញមតិ និងពិចារណាជាមួយគ្នា។

8. ខ្ញុំចង់ឱ្យអ្នកនៅក្បែរ

ទោះបីជាអ្នកទាំងពីរបាននៅជាមួយគ្នាអស់រយៈពេលជាយូរមកហើយ តែការនិយាយឃ្លាដ៏សាមញ្ញនេះ នៅតែជាការសរសើរដ៏ល្អបំផុតដែលមនុស្សម្នាក់ទៀតអាចទទួលបានពីអ្នក។

9. ខ្ញុំមិនឱ្យអ្នកចាកចេញពីខ្ញុំ / ខ្ញុំនឹងមិនបោះបង់អ្នកចោលឡើយ

ពេលខ្លះអ្វីដែលយើងចង់បាន គឺការធានាថាយើងនឹងនៅជាមួយគ្នាជារៀងរហូត ហើយមិនដែលឃ្លាតឆ្ងាយពីគ្នាឡើយ។

ទោះបីជាអ្នកមិនល្អបំផុតក្នុងការលួងលោមក៏ដោយ ពាក្យពេចន៍ដ៏ស្មោះត្រង់ដូចជា “ខ្ញុំមិនឱ្យអ្នកចាកចេញ” ឬ “ខ្ញុំនឹងរស់នៅជាមួយអ្នកអស់មួយជីវិត” ធ្វើឱ្យមនុស្សម្នាក់ទៀតមានអារម្មណ៍ថាមានការជឿជាក់ជាខ្លាំងក្នុងការដែលអ្នកប្ដេជ្ញាចិត្តមិនបោះបង់ និងចង់រួមរស់ជាមួយគេរហូតទៅ៕