ព្រឹត្តិការណ៍Boostrong Kun Khmer King of The Ring ប្រកាសបើកជាផ្លូវការ ខណៈការប្រកួតក្នុងសង្វៀនមូលដែលមិនធ្លាប់មានពីមុនមក
ភ្នំពេញ៖ មហាព្រឹត្តិការណ៍ប្រដាល់គុនខ្មែរនៅសង្វៀនដ៏ថ្មីសន្លាងមួយទៀតរបស់ស្ថានីយទូរទស្សន៍ថោនបានលេចមុខមាត់ឡើងហើយ ព្រមជាមួយនឹងរូបរាងសង្វៀនដ៏ស្រស់ស្អាតមានរាមូល ដែលមិនធ្លាប់មានពីមុនមក។
ថ្លែងក្នុងសន្និសិទសារព័ត៌មាន នារសៀលថ្ងៃទី៨ ខែកុម្ភៈ លោកគឹម ស៊្រុនកុសល (ថមមី គឹម) ទីប្រឹក្សាជាន់ខ្ពស់របស់ទូរទស្សន៍ថោន បានអោយដឹងថា ព្រឹត្តិការណ៍Boostrong Kun Khmer King of The Ring ដែលយើងបានធ្វើ់សង្វៀនមូលនេះថ្មី ហើយប្លែកដែលយើងធ្លាប់តែឃើញនៅក្រៅប្រទេស ឥឡូវនេះយើងបានរៀបចំការប្រកួតសង្វៀនមូលដែលយើងសង្ឃឹមថា វានឹងជួយបើកនៅទំព័រថ្មីសម្រាប់ការប្រកួតកីឡាគុនខ្មែររបស់យើង ហើយមិនត្រឹមតែប្រកួតគុនខ្មែរយើងក៏មានការរៀបចំការប្រកួត ឃីកបុកស៊ីង ល្បុកត្តោ MMA នៅថ្ងៃអនាគត់ផងដែរ។
ដោយឡែកការរៀបចំសង្វៀនមូលនេះ លោកថម មីគឹម បានពន្យល់ថា ទី១ ដើរអោយទាន់សម័យកាល បង្ហាញថាគុនខ្មែយើងមានគ្រប់ទំរង មានក្បាច់គុនរបស់យើងរាប់ពាន់ឆ្នាំមកហើយ ពីដើមឡើយយើងប្រកួតអំបោះឆៅ រហូតយើងវិវត្តិមកពាក់ហ្គង់ ឥឡូវនេះយើងវិលទៅរកអតីតកាលរបស់យើងវិញ គឺប្រើប្រាសអំបោះឆៅក្នុងការប្រកួតរិញមូលនៅថ្ងៃទី៩នេះ។ ទី២ យើងដាក់បញ្ចូលក្បាច់គុនចម្រុះ ក៏ដូចជាល្បុកត្តោ រួមគ្នាជាក្បាច់គុនខ្មែរតែមួយដែលបង្ហាញថាក្បាច់គុនខ្មែមានគ្រប់ទម្រង់ទាំងអស់។
លោក Chris Topher ជាតំណាងឱ្យក្រុមហ៊ុនភេសជ្ជៈប៉ូវកម្លាំងប៊ូសស្ត្រង បានអោយដឹងថា ក្រុមហ៊ុនប៊ូសស្ត្រង ពិតជាមានមោទនភាពណាស់ដែលបានឃើញបងប្អូនយ៉ាងច្រើនកុះករគាំទ្រប្រដាល់គុនខ្មែរ និងព្រឹត្តិការណ៍ធំៗដែលប៊ូសស្ត្រងរៀបចំកន្លងមក។
លោកបន្ថែមថា កន្លងមកប៊ូសស្ត្រង ធ្លាប់បានជួយជ្រោមជ្រែង និងគាំទ្រប្រដាល់គុនខ្មែរ នឹងបានផ្តល់រង្វាន់ដល់គុនខ្មែរ ដែលមិនធ្លាប់មាននោះទេ ក្នុងនោះជួយកីឡាករគុនខ្មែរ ជួយលុយ ជួយឡាន ជួយផ្ទះ នឹងបាននាំយកកីឡាករគុនខ្មែទៅកាន់ទ្វីបអឺរ៉ុបនៅប្រទេសបារាំង។ ជាមួយគ្នានេះដែរ ក្រុមហ៊ុនប៊ូសស្ត្រង ប្តេជ្ញាចិត្តថានឹងខិតខំបន្តជួយគុនខ្មែរ នាំយកកម្មវិធីកក្រើកល្បីរន្ទឺ មានរង្វាន់ធំៗផ្តល់ជូនកីឡា ករគុនខ្មែរដទៃទៀត ដើម្បីជាការលើកទឹកចិត្ត និងលើកស្ទួយវិស័យគុនខ្មែរឱ្យកាន់តែល្បីល្បាញពាស ពេញពិភពលោក។ ជាពិសេសធ្វើឱ្យគ្រប់ជាតិសាសន៍បានស្គាល់ច្បាស់ពីភាពខ្លាំងនៃក្បាច់គុនខ្មែរថា គុនខ្មែរ ថាមិនអាចមើលស្រាលបានឡើយ។
សូមបញ្ជាក់ផងដែរថា Boostrong Kun Khmer King of The Ring សង្វៀនមូលអំបោះឆៅគុនខ្មែរ មុនគេបង្អស់ ថ្មី ប្លែក បង្ហាញពីក្បាច់គុនដូនតារាប់ពាន់ឆ្នាំ នឹងប្រព្រឹត្តទៅនៅថ្ងៃទី០៩ ខែកុម្ភៈ ឆ្នាំ២០២៤នេះ។ កម្មវិធីនឹងចាប់ផ្តើមពីម៉ោង ៨យប់តទៅ នៅស្ថានីយទូរទស្សន៍ថោន ដែលមានទីតាំងស្ថិតនៅសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។ជាមួយគ្នានេះ ក៏មានការ ផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV, នៅលើហ្វេសប៊ុកផេក TOWN FULL HDTV និង BOOSTRONGផងដែរ៕
