ខ្មាន់កាំភ្លើង២នាក់ ចូលទៅបាញ់ជនរងគ្រោះដល់ក្នុងផ្ទះ នៅក្រុងពោធិ៍សាត់ បណ្តាលឲ្យរងរបួសធ្ងន់៣នាក់

(ពោធិ៍សាត់)៖ នៅវេលាម៉ោងជាង៦យប់ថ្ងៃទី២ ខែកុម្ភៈ ឆ្នាំ២០២៤ មានជនដៃដល់២នាក់ បានចូលទៅបាញ់ជនរងគ្រោះបណ្តាលឲ្យរងរបួស​ប្តីប្រពន្ធ និងម្តាយ នៅភូមិបណ្តុះសណ្តែក សង្កាត់បន្ទាយដី ក្រុងពោធិ៍សាត់។

សេចក្តីរាយការណ៍ បានឲ្យដឹងថា ខ្មាន់កាំភ្លើងមានគ្នា២នាក់ ហើយបានចូលទៅបាញ់ជនរងគ្រោះរកស៊ីលក់ត្រី បណ្តាលឲ្យរងរបួសធ្ងន់ប្តីប្រពន្ធ និងស្រ្តីជាម្តាយ។ ករណីនេះសមត្ថកិច្ចកំពុងតែធ្វើការស្រាវជ្រាវជាបន្ទាន់ ដើម្បីស្វែងរកចាប់ជនដៃដល់។ មិនទាន់មានការបញ្ជាក់ថា បណ្តាលមកពីមូលហេតុអ្វីនោះទេ៕