ប្រតិបត្តិការបង្ក្រាបក្រុមបងធំ១២នាក់ ក្នុងចំណោមបក្ខពួក២១នាក់ ដែលបង្កអំពើហិង្សានៅក្រុងតាខ្មៅ
(កណ្តាល)៖ កម្លាំងជំនាញ នៃស្នងការនគរបាលខេត្តកណ្ដាល សហការកម្លាំងកងរាជអាវុធហត្ថខេត្តកណ្ដាល កម្លាំងអធិការនគរបាលក្រុងតាខ្មៅ និងកម្លាំងជំនាញនៃអធិការនគបាលស្រុកស្អាង ស្រាវជ្រាបបង្រ្កាបករណីហិង្សាដោយចេតនាមានស្ថានទម្ងន់ទោស និងករណីធ្វើឱ្យខូចខាតដោយចេតនា ដោយឃាត់ខ្លួនក្រុមក្មេងទំនើងចំនួន១២នាក់ ក្នុងចំណោមបក្ខពួក២១នាក់។
ករណីនេះហិង្សានេះបានកើតឡើងកាលថ្ងៃទី១៣ ខែមករា ឆ្នាំ២០២៤ វេលាម៉ោង១៤:១៤នាទី នៅចំណុចផ្ទះជួសជុលម៉ូតូឈ្មោះ រិន សាវុធ ស្ថិតនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល។ ជនរងគ្រោះឈ្មោះ រិន សាវុធ ភេទប្រុស អាយុ៣៤ឆ្នាំ មានទីលំនៅភូមិសង្កាត់កើតហេតុ មុខរបរជាងជួសជុលម៉ូតូ។
ជនសង្ស័យមានចំនួន១២នាក់ រួមមាន៖ ១៖ ឈ្មោះ ម៉ៅ វីរៈរាជ ភេទប្រុស អាយុ១៧ឆ្នាំ មុខរបរសិស្ស ទី២៖ ឈ្មោះ សាម៉ៃ សង្ហា ភេទប្រុស អាយុ១៦ឆ្នាំ មុខរបរសិស្ស, ទី៣៖ ឈ្មោះ ថេន ដេវីត ភេទប្រុស អាយុ១៦ឆ្នាំ មុខរបរសិស្ស, ទី៤៖ ឈ្មោះ ផល សុខលាភ ភេទប្រុស អាយុ១៨ឆ្នាំ មុខរបរសិស្ស, ទី៥៖ ឈ្មោះ ទ្រី ម៉េងគីម ភេទប្រុស អាយុ១៦ឆ្នាំ មុខរបរជាងទូរស័ព្ទ, ទី៦៖ ឈ្មោះ ឃឹម ប៉ោលីឃាង ភេទប្រុស អាយុ១៨ឆ្នាំ មុខរបរសិស្ស , ទី៧៖ ឈ្មោះ ហាន ម៉េងហុង ភេទប្រុស អាយុ១៦ឆ្នាំ មុខរបរមិនពិតប្រាកដ, ទី៨៖ ឈ្មោះ អ៊ុំ វណ្ណា ហៅញ៉ា ភេទប្រុស អាយុ១៨ឆ្នាំ មុខរបរកម្មករ, ទី៩៖ ឈ្មោះ វិចិត្រ សុបញ្ញា ភេទប្រុស អាយុ១៨ឆ្នាំ មុខរបរកម្មករ,ទី ១០៖ ឈ្មោះ ស្រល់ ជីមិញ ភេទប្រុស អាយុ១៧ឆ្នាំ មុខរបរសិស្ស, ទី១១៖ ឈ្មោះ ថុល រតនា ភេទប្រុស អាយុ១៩ឆ្នាំ មុខរបរមិនពិតប្រាកដ, ទី១២៖ ឈ្មោះ ថុន រដ្ឋា ភេទប្រុស អាយុ១៦ឆ្នាំ មុខរបរ មិនពិតប្រាកដ។
ចំណែកអ្នកគេចខ្លួនរួមមាន ទី១៖ ឈ្មោះ នីន ហៅគោ ភេទប្រុស អាយុ១៨ឆ្នាំ មុខរបរមិនពិតប្រាកដ, ទី២ ឈ្មោះ យ៉ីម ផានីន ភេទប្រុស អាយុ១៧ឆ្នាំ មុខរបរមិនពិតប្រាកដ, ទី៣ ឈ្មោះ ផេង ស៊ុនហាក់ ភេទប្រុស អាយុ១៩ឆ្នាំ មុខរបរមិនពិតប្រាកដ, ទី៤ ឈ្មោះ តាក់ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ, ទី៥ ឈ្មោះ ហៃ ភេទប្រុស អាយុ១៧ឆ្នាំ មុខរបរសិស្ស, ទី៦ ឈ្មោះ បញ្ញា ភេទប្រុស អាយុ១៩ឆ្នាំ មុខរបរមិនពិតប្រាកដ, ទី៧ ឈ្មោះ បញ្ញា ភេទប្រុស អាយុ២០ឆ្នាំ មុខរបរមិនពិតប្រាកដ, ទី៨ ឈ្មោះ ហុងធំ ភេទប្រុស អាយុ២១ឆ្នាំ មុខរបរមិនពិតប្រាកដ និងទី៩ ឈ្មោះមិនស្គាល់អត្តសញ្ញាណ ភេទប្រុស ទីលំនៅមិនស្គាល់។
ជនសង្ស័យទាំងអស់ គ្មានសារធាតុញៀននូវក្នុងទឹកនោម (-)។ វត្ថុតាងចាប់យក ដុំថ្មចំនួន ០៤ដុំ, ដែកទីប ០១។
នៅចំពោះមុខសមត្ថកិច្ចជនសង្ស័យទាំងអស់គ្នាបានសារភាពថា ពួកខ្លួនពិតជាបាននាំគ្នាជិះចេញពីសាលាវិទ្យាល័យស្អាង ទៅតាមឈ្មោះ ហុង(ធំ) ទៅធ្វើសកម្មភាពយកដុំថ្មគប់ និងបាញ់ចម្ពាមកៅស៊ូ ទៅលើផ្ទះជនរងគ្រោះជួសជុលម៉ូតូឈ្មោះ រិន សាវុធ ស្ថិតនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល ពិតប្រាកដមែន។
បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីសាកសួរ និងកសាងសំណុំរឿងចាត់ការតាមនីតិវិធី
គួរឱ្យដឹងថា កាលពីថ្ងៃទី១៣ ខែមករា ឆ្នាំ២០២៤ វេលាម៉ោង១៤:១៤នាទី មានជនសង្ស័យចំនួន២១នាក់ ជិះម៉ូតូ១០គ្រឿង ម៉ាក Nex ពណ៌ខៀវ ០១គ្រឿង, Scoopy ពណ៌ស ០២គ្រឿង ពណ៌ស ០១គ្រឿង និងពណ៌ប្រផេះ, ម៉ូតូ Honda Dream C125 ចំនួន០៧គ្រឿង ពណ៌ស ០១គ្រឿង និងពណ៌ខ្មៅ ០១គ្រឿង បាននាំគ្នាជិះធ្វើសកម្មភាពយកដុំថ្ម ០៤ដុំគប់ ចូលផ្ទះជនរងគ្រោះដែលជួសជុលម៉ូតូ និងមានកាន់ដាវ កាំបិតផ្គាក់ ហើយបាននាំគ្នាជិះបំបែកគ្នាតាមផ្លូវអស់ខ្លះ ហើយដល់ចំណុចជិតស្ពានកោះអន្លង់ចិន ក្នុងភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល បានជិះដល់តារាងបាល់ទះ ក៏ឈ្មោះ យ៉ីម ផានីន បានចុះទៅកាន់និងវាយម៉ូតូ ០១គ្រឿង ម៉ាក Scoopy ពណ៌ទឹកប៊ិក ពេលនោះក៏នាំគ្នាជិះគេចខ្លួនបាត់អស់ទៅ៕
