ឯកឧត្តម អ៊ាង សុផល្លែត ថ្លែងក្នុងវេទិកា ស្តីពីកិច្ចសហប្រតិបត្តិការកិច្ចការសមុទ្រ ក្រោមប្រធានបទ «ជំរុញកិច្ចសហប្រតិបត្តិការសមុទ្រខៀវ ស្របនឹងផ្លូវសូត្រ»

ប៉េកាំង៖ រសៀលថ្ងៃទី១៨ ខែតុលា ឆ្នាំ២០២៣ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីនៃក្រសួងបរិស្ថានកម្ពុជា បានចូលរួមថ្លែងចំណាប់អារម្មណ៍នៅក្នុងវេទិកា ស្តីពីកិច្ចសហប្រតិបត្តិការកិច្ចការសមុទ្រ ដែលជាវេទិកាអមមួយក្នុងចំណោមវេទិកាអមប្រាំមួយផ្សេងទៀត នៃវេទិកា ខ្សែក្រវ៉ាត់និងផ្លូវ លើកទី៣ ស្តីពីកិច្ចសហប្រតិបត្តិការអន្តរជាតិ ក្រោមប្រធានបទ «ជំរុញកិច្ចសហប្រតិបត្តិការសមុទ្រខៀវ ស្របនឹងផ្លូវសូត្រ»…។

រួមជាមួយកម្ពុជា វេទិកានេះក៏មានការចូលរួមថ្លែងចំណាប់អារម្ភ ពីសំណាក់ ឧបនាយករដ្ឋមន្ត្រី រដ្ឋមន្ត្រី អនុរដ្ឋមន្ត្រី នៃបណ្ដាប្រទេសជាច្រើនផងដែរ។ សូមគូសបញ្ជាក់ផងដែរថា សាធារណរដ្ឋប្រជាមានិតចិន បានធ្វើជាម្ចាស់ផ្ទះរៀបចំវេទិកា ខ្សែក្រវ៉ាត់និងផ្លូវ លើកទី៣ ស្តីពីកិច្ចសហប្រតិបត្តិការអន្តរជាតិ ចាប់ពីថ្ងៃទី១៧ ដល់ថ្ងៃទី១៨ ខែតុលា ឆ្នាំ២០២៣ នារដ្ឋធានីប៉េកាំង។

ក្រៅពីការថ្លែងចំណាប់អារម្មណ៍នៅក្នុងវេទិកា ឯកឧត្តមបណ្ឌិត អ៊ាង សុផល្លែត ក៏មានជំនួបទេ្វរភាគី ជាមួយ ឯកឧត្តម វ៉ាង ហុង ប្រធានរដ្ឋបាលសាគរ និងជាអនុរដ្ឋមន្រ្តី នៃក្រសួងធនធានធម្មជាតិ នៃសាធារណរដ្ឋប្រជាមាណិតចិន ដើម្បីពិភាក្សាផ្លាស់ប្តូរយោបល់សំដៅពង្រឹងនិងពង្រីកកិច្ចប្រតិបត្តិការ៕