ប្រធានាធិបតីម៉ិកស៊ិក នឹងបញ្ជូនយន្តហោះ ០២គ្រឿងដើម្បីធ្វើការជម្លៀស ពលរដ្ឋ ចេញពីអ៊ីស្រាអែល
ម៉ិកស៊ិក៖ ប្រធានាធិបតីម៉ិកស៊ិក នឹងបញ្ជូនយន្តហោះ ០២គ្រឿងដើម្បីធ្វើការជម្លៀស ពលរដ្ឋម៉ិកស៊ិកចំនួន៣០០នាក់ ចេញពីប្រទេសអ៊ីស្រាអែល។ នេះបើយោងតាម CNN នាថ្ងៃទី៩ ខែតុលា ឆ្នាំ២០២៣នេះ។
លោកប្រធានាធិបតី បានបន្តថា ជនជាតិម៉ិកស៊ិកភាគច្រើន ដែលនៅក្នុងប្រទេសអ៊ីស្រាអែលនោះ ភាគច្រើនសម្រាប់គោលបំណងទេសចរណ៍ និងសាសនា។ បន្ថែមលើនេះ លោក López Obrador ថ្លែងថា ពលរដ្ឋម៉ិកស៊ិក០៣នាក់ នៅតែបាត់ខ្លួន រដ្ឋាភិបាលកំពុទំនាក់ទំនងជាមួយសាច់ញាតិរបស់ពួកគេ។ លោកបញ្ជាក់ដែរថា “អ្នកការទូតរបស់យើង កំពុងធ្វើសកម្មភាព ដើម្បីការពារប្រជាជនម៉ិកស៊ិក” ។ រដ្ឋាភិបាលម៉ិកស៊ិក សម្រេចបញ្ជូនយន្តហោះមួយគ្រឿង នឹងទៅនៅពេលព្រឹក និងមួយគ្រឿងទៀត នៅពេលរសៀលស្អែកនេះបើគ្មានអ្វីប្រែប្រួលទេ ។
ប៉ុន្តែនៅថ្ងៃចន្ទនេះដែរ មានក្រុមហ៊ុនអាកាសចរណ៍ជាច្រើន បាននិងកំពុងផ្អាក ឫលុបចោលជើងហោះហើរ ទៅកាន់ទីក្រុង Tel Aviv ប្រទេសអ៊ីស្រាអែល ដោយសារការប្រយុទ្ធគ្នាដ៏ខ្លាំងក្លា រវាងកងកម្លាំងអ៊ីស្រាអែល និងក្រុមហាម៉ាស នៅតែបន្ត ៕
