KKIF និងរៀបចំបើកសង្វៀនប្រកួតថ្នាល់គុនខ្មែរ  «អាណាចក្រថ្នាលគុនខ្មែរ KKIF» នៅចុងខែនេះ

ភ្នំពេញ៖ ក្លិបប្រដាល់គុនខ្មែរអន្តរជាតិ (KKIF ) និងរៀបចំបើកសង្វៀនប្រកួតថ្នាល់គុនខ្មែរ ដែលឈ្មោះថា «អាណាចក្រថ្នាលគុនខ្មែរ KKIF» ដោយគ្រោងនឹងចាប់ផ្តើមរៀបចំពីចុងខែតុលានេះតទៅ។

ស្ថាបនិកក្លិបក្លិបប្រដាល់គុនខ្មែរអន្តរជាតិ លោកឧកញា ស្រី ចាន់ថន បានឲ្យដឹងនាថ្ងៃទី០៥ ខែតុលានេះ បានឲ្យដឹងថា បន្ទាប់ពីបញ្ចប់បេសកកម្មនៅសហរដ្ឋអាមេរិករួចមក ខណៈត្រឡប់មកដល់មាតុភូមិកម្ពុជាវិញ «ខ្ញុំបាទបានចាត់ចែងឱ្យក្រុមការងារត្រៀមរៀបចំព្រឹត្តិការណ៍ប្រដាល់ថ្នាលគុនខ្មែរចាប់ពីចុងខែតុលានេះ ដោយដំណើរការប្រកួតរៀងរាល់យប់ថ្ងៃសុក្រ ចាប់ពីម៉ោង១៩:០០នាទីតទៅ នាសង្វៀនក្លឹប KKIF ជូនពុកម៉ែបងប្អូនអ្នកគាំទ្រគុនខ្មែរបានទស្សនា»។