ទីបំផុតក្រុមTottenham បានទម្លាក់ Ajax ក្នុងលទ្ធផល ៣-២(មានវីឌីអូ)

ហូឡង់៖ គ្រាប់បាល់ដ៏អស្ចារ្យនៅនាទី៩៦ ដែលជាគ្រាប់បាល់ Hat-Trick របស់ Lucas Moura បានធ្វើឱ្យក្តីសង្ឃឹមរបស់ Ajax ដើម្បីឡើងទៅកាន់វគ្គផ្តាច់ព្រ័ត្រត្រូវរលាយសូន្យតែម្តង។ Tottenham Hotspurs ត្រូវឡើងទៅកាន់វគ្គផ្តាច់ព្រ័ត្រជាលើកដំបូងបំផុតក្នុងប្រវត្តិសាស្រ្តរបស់ក្លិប បន្ទាប់ពីយកឈ្នះ Ajax ក្នុងលទ្ធផល ៣-២ (សរុប ៣-៣) ដោយរូបមន្តគ្រាប់បាល់ក្រៅដី។

គួរបញ្ជាក់ថា គ្រាប់បាល់ Hat-Trick របស់ Lucas Moura ធ្វើបានសម្រេចនៅនាទីទី ៥៥, ៥៩ និងនាទី ៩០+៦ ដោយឡែកសម្រាប់គ្រាប់បាល់របស់ Ajax វិញ ធ្វើបានសម្រេចដោយកីឡាករ De Ligt នៅនាទីទី ៥ និងមួយគ្រាប់ទៀតដោយកីឡាករ Ziyech នៅនាទីទី ៣៥។

ក្រុម Tottenham Hotspurs នឹងត្រូវឡើងទៅប៉ះក្រុម Liverpool ក្នុងវគ្គផ្តាច់ព្រ័ត្រនាថ្ងៃទី ២ ខែមិថុនាខាងមុខនេះ នាទឹកដីកីឡដ្ឋាន Wanda Metropolitano ទីក្រុងម៉ាឌ្រីដ ប្រទេសអេស្ប៉ាញ៕