ឃាត់ខ្លួនជនសង្ស័យចំនួន២នាក់ ពាក់ព័ន្ធករណីគ.ប់កញ្ចក់រថយន្តនៅផ្សាអង្គតាសោម
ខេត្តតាកែវ ៖ បន្ទាប់ពីទទួលបានពាក្យបណ្តឹងពីជនរងគ្រោះ ពាក់ព័ន្ធករណីគ.ប់កញ្ចក់រថយន្ត នៅចំណុចក្រោមស្ពានអាកាសផ្សារអង្គតាសោម កម្លាំងជំនាញអធិការដ្ឋាននគរបាលស្រុកត្រាំកក់ បានស្រាវជ្រាវ និងឃាត់ខ្លួនជនសង្ស័យចំនួន០២នាក់ នៅវេលាម៉ោង០០និង៣០នាទី រំលងអធ្រាត្រ យប់ថ្ងៃទី១១ ខែកញ្ញានេះ។
ជនសង្ស័យទី១ ឈ្មោះ យ៉ន អ៊ីវ ភេទប្រុស អាយុ១៨ឆ្នាំ រស់នៅភូមិអង្គតាសោម ឃុំអង្គតាសោម ស្រុកត្រាំកក់ ខេត្តតាកែវ ជាមុខសញ្ញាធ្លាប់ជាប់ពន្ធនាគារក្នុងករណីអំពើលួច និងទី២ ឈ្មោះ ញ៉ាញ់ សម្បត្តិ ភេទប្រុស អាយុ១៦ឆ្នាំ រស់នៅភូមិព្រៃស្រោង ឃុំអង្គតាសោម ស្រុកត្រាំកក់ ខេត្តតាកែវ ធ្លាប់ជាប់ពន្ធធនាគារ ក្នុងករណីអំពើលួច និងជាអ្នកបា.ញ់កញ្ចក់រថយន្ត ។រីឯជនរងគ្រោះ ឈ្មោះ ញឿន សីហា ភេទប្រុស អាយុ ១.៨.ឆ្នាំ រស់នៅភូមិឈើទាលជ្រុំ ឃុំក្រាំងលាវ ស្រុកបាទី ខេត្តតាកែវ បើករថយន្តប្រភេទកុងទីន័រ ត្រូវជនល្មើសប្រដាប់ដោយចំពាមកៅស៊ូ បា.ញ់ចំកញ្ចក់ពីមុខចំហៀងខាងស្ដាំ ចំនួនមួយកន្លែងធ្វើឲ្យបែកប្រេះស្រាំ។
