ផ្អែមល្ហែមសុខៗ!ភិទិនិងគូស្នេហ៍បង្ហាញពីភាពរកាំរកូសចំណងស្នេហ៍ដោយសារតែថតឈុតថើបគ្នា

ប្រិយមិត្តច្បាស់ជាបានដឹងហើយថា តារាចម្រៀងសំឡេងផ្អែម ថុល សុភិទិ និងអ្នកនាងឡុង ម៉ានីន ដែលជាគូស្នេហ៍បានបង្ហាញពីភាពផ្អែមល្ហែមយ៉ាងខ្លាំងជាមួយគ្នានៅលើបណ្ដាញសង្គមរបស់ពួកគេ ដោយមានហ្វេនៗ ក៏ដូចជាអ្នកគាំទ្ររបស់ពួកគេតែងតែកោតសរសើរស្នេហារបស់អ្នកទាំងពីរនេះថែមទៀត។

អ្វីដែលជារឿងភ្ញាក់ផ្អែលថ្មីៗនេះ ភិទិ និងអ្នកនាងម៉ានីន ដែលគូស្នេហ៍បានបង្ហាញពីភាពរកាំរកូសនៃចំណងស្នេហ៍របស់ពួកគេ ក្រោយពីភិទិបានសម្ដែងក្នុងឈុតថើបមាត់គ្នាជាមួយតារាសម្ដែងវ័យក្មេងម្នាក់ ដែលធ្វើឱ្យអ្នកមេម៉ាយរូបស្រស់ម៉ានីន​អន់ចិត្តយ៉ាងខ្លាំង។ នេះបើយោងតាមការបង្ហោះនៅលើគណនីហ្វេសប៊ុករបស់អ្នកនាងឡុង ម៉ានីន។

យ៉ាងណាមិញ នៅថ្ងៃទី២៩ ខែសីហា ឆ្នាំ២០២៣នេះ លោក ថុល សុភិទិ បានសរសេរនៅលើគណនីហ្វេសប៊ុករបស់ខ្លួនបែបនេះ៖ ខ្ញុំតែងតែរកអ្វីថ្មីសម្រាបបងប្អូនទាំងអស់គ្នា ឆ្លៀតធ្វើនេះ ធ្វើនោះ ដើម្បីអោយដឹងថា ខ្ញុំមិនត្រឹមតែចេះតែច្រៀងតែមួយមុខ ខ្ញុំតែងតែ រៀនធ្វើអ្វីផ្សេងក្រៅពីច្រៀង ហេតុអីម្នាក់ៗ ទៅជាច្ចឹងវិញទៅ ???តើវាជាការផឹតក្បត់ ឬ ក៏សម្ដែង ???