កម្ពុជាដណ្តើមេដាយបាន៧១គ្រឿង ពីការប្រកួតកីឡានគរបាល និងកងពន្លត់អគ្គិភ័យពិភពលោកលើកទី២០
កីឡា៖ ក្រោយបញ្ចប់បេសកកម្ម នៅក្នុងការប្រកួតកីឡានគរបាល និងកងពន្លត់អគ្គិភ័យពិភពលោក លើកទី២០ ឆ្នាំ២០២៣ (The 20th World Police & Fire Games 2023) នៅប្រទេសកាណាដា ប្រតិភូកីឡានគរបាលជាតិកម្ពុជា បានត្រឡប់មកដល់មាតុភូមិវិញហើយ នៅព្រឹកថ្ងៃទី០៩ ខែសីហានេះ ដោយនាំមកជាមួយនូវមេដាយសរុប ៧១គ្រឿង។
ព្រឹត្តិការណ៍ប្រកួតកីឡានគរបាល និងកងពន្លត់អគ្គិភ័យពិភពលោក លើកទី២០ រវាងពីថ្ងៃទី២៨ កក្កដា ដល់៦ សីហា ដោយមានការចូលរួមពីកីឡាករប៉ូលីស មកពីប្រទេសជាង៧០ នៅលើសកលលោក។ គោលបំណងនៃការរៀបចំព្រឹត្តិការណ៍ប្រកួតនេះឡើង គឺដើម្បីបង្ហាញពីសាមគ្គីភាព សមត្ថភាព និងទេពកោសល្យរបស់នគរបាលនៃបណ្តាប្រទេសនីមួយៗ ក៏ដូចជាការផ្លាស់ប្តូរ និងចែករំលែកនូវបទពិសោធលើវិស័យកីឡាពីគ្នាទៅវិញទៅមកផងដែរ ដែលកម្មវិធីប្រកួតនឹងចាប់ផ្តើមពីថ្ងៃទី២៨ ខែកក្កដា ដល់ថ្ងៃទី០៦ ខែសីហា ឆ្នាំ២០២៣ ។
ក្រសួងមហាផ្ទៃកម្ពុជាឈ្នះមេដាយចំនួនក្នុងនោះ មេ ដាយមាស៣៣, ប្រាក់២៨ ,និងសំរឹទ្ធ ៩គ្រឿង វិញ្ញាសាដែលកម្ពុជាទទួលបានមេដាយរួមមាន៖ កីឡាចំបាប់កាច់ដៃ ទទួលបានមេដាយចំនួន១១ ក្នុងនោះ មាស៧ ប្រាក់២ សំរឹទ្ធ២ កីឡាហែលទឹក ទទួលបានមេដាយចំនួន១៥ ក្នុងនោះមេដាយមាស៦ មេដាយប្រាក់៦ មេដាយសំរឹទ្ធ៣ កីឡាជឺជីតស៊ូ ទទួលបានមេដាយចំនួន៨ ក្នុងនោះ មេដាយមាស៦ មេដាយប្រាក់២ កីឡាចំបាប់ ទទួលបានមេដាយចំនួន១២ក្នុងនោះ មេដាយមាស៣ មេដាយប្រាក់៨ មេដាយសំរឹទ្ធ១ កីឡាវាយកូនឃ្លីលើតុ ទទួលបានមេដាយចំនួន៥ ក្នុងនោះមេដាយមាស២ មេដាយប្រាក់៣ កីឡាវាយសី ទទួលបានមេដាយចំនួន២ គឺមេដាយមាសទាំង២ កីឡាលើកទម្ងន់ Bench Press ទទួលបានមេដាយចំនួន២ គឺមេដាយមាសទាំង២ កីឡាលើកទម្ងន់ Push-Pull lifting ទទួលបានមេដាយចំនួន១ គឺមេដាយមាស, កីឡាបាល់ទះក្នុងសាល ទទួលបានមេដាយចំនួន១ គឺមេដាយមាស, កីឡាយូដូ ទទួលបានមេដាយចំនួន៥ គឺមេដាយប្រាក់៤ សំរឹទ្ធ១ និងកីឡាបាល់ទះឆ្នេខ្សាច់ ទទួលបានមេដាយចំនួន១ គឺមេដាយប្រាក់។
សូមបញ្ជាក់ផងដែរថា កម្ពុជាបានបញ្ជូនក្រុមកីឡានគរបាលជាតិតែចំនួន៤៨នាក់លើវិញ្ញាសារចំនួន១៣ប៉ុណ្ណោះ គឺកីឡាវាយសី, កីឡាលើកទម្ងន់, កីឡាយូដូ, កីឡាជឺជិតស៊ូ, កីឡាការ៉ាតេ, កីឡាហែលទឹក, កីឡាវាយកូនឃ្លីលើតុ, កីឡាបាល់ទះក្នុងសាល, កីឡាបាល់ទះឆ្នេរខ្សាច់, កីឡាចំបាប់, កីឡាចំបាប់កាច់ដៃ, កីឡាវាយកូនគោល, កីឡាលើកទម្ងន់សាច់ដុំ Bench Press និងកីឡាទាញសាច់ដុំ Push Pull Lifting។
សូមរំលឹកផងដែរថា នៅក្នុងការប្រកួតកីឡានគរបាល និងកងពន្លត់អគ្គិភ័យពិភពលោក លើកទី១៩ ឆ្នាំ២០២២ នៅប្រទេសហូឡង់កម្ពុជាទទួលបាន មេដាយចំនួន៣៣ គ្រឿងរួមមានមដដាយមាស ១៥គ្រឿង ប្រាក់ ៨គ្រឿង និងសំរឹទ្ធិ១០គ្រឿង ដោយឡែកនៅក្នុងការប្រកួតកីឡានគរបាល និងកងពន្លត់អគ្គិភ័យពិភពលោក លើកទី១៨ ឆ្នាំ២០១៩ នៅប្រទេសចិន កម្ពុជាទទួលបានមេដាយចំនួន គ្រឿងក្នុងនោះ មេដាយមាសចំនួន១៨ ប្រាក់១៧គ្រឿង និងសំរឹទ្ធ១១គ្រឿង៕
