នាយកដ្ឋានប្រយុទ្ធនឹងជំងឺឆ្លងទាត់ចោលព័ត៌មានដែលថាមានករណីពលរដ្ឋពុលក្ដាមស្លាប់

នាយកដ្ឋានប្រយុទ្ធនឹងជំងឺឆ្លង(CDC)តាមរយៈទំព័រហ្វេសប៊ុកផ្លូវការ នៅថ្ងៃទី១៨ ខែកក្កដា ឆ្នាំ២០២៣នេះ បានប្រកាសច្រានចោលចំពោះព័ត៌មានដែលថា មានករណីពុលក្ដាមរហូតស្លាប់បាត់បង់ជីវិត និងបានចាត់ទុកថា ជាការ​ផ្សព្វផ្សាយដោយបណ្តាញសង្គមតៗគ្នា​ជាព័ត៌មានមិនពិត​ឡើយ។

ជាមួយគ្នា នាយកដ្ឋានប្រយុទ្ធនឹងជំងឺឆ្លងបានណែនាំឱ្យប្រជាពលរដ្ឋទាក់ទងទៅកាន់លេខ១១៥ ដើម្បីដឹងព័ត៌មានបន្ថែមជុំវិញករណីនេះ៕