អស់សង្ស័យ! Im Nayoung ឆ្លើយតបផាំងៗ ជុំវិញចចាមអារ៉ាមស្នេហាជាមួយនឹង Choi Woong
បើតាមការចុះផ្សាយរបស់ Spotv News បានឱ្យដឹងថា តារាចម្រៀងស្រី Im Nayoung អតីតសមាជិក I.O.I កំពុងមានទំនាក់ទំនងស្នេហាជាមួយនឹងតារាសម្ដែងប្រុស Choi Woong ដែលជាតួសម្ដែងប្រុសក្នុងរឿង «Descendants of the Sun» ក្រោយពីមានចចាមអារ៉ាមស្នេហាខុសវ័យគ្នាដល់ទៅ ៩ ឆ្នាំ។
ទាក់ទងនឹងចចាមអារ៉ាមស្នេហារបស់អ្នកទាំងពីរ គឺដោយសារតែថ្មីៗនេះ អ្នកទាំងពីរត្រូវបានគេឃើញថាបានដើរលេងកម្សាន្តជាមួយគ្នានៅក្រៅប្រទេសយ៉ាងសប្បាយរីករាយ។ យ៉ាងណាមិញ កាលពីថ្ងៃទី ២៩ ខែមិថុនា ឆ្នាំ ២០២៣ កន្លងទៅ អ្នកតំណាងរបស់តារាស្រីវ័យ ២៧ ឆ្នាំរូបនេះ បានចេញមកបដិសេធព័ត៌មានទាក់ទងគ្នា ដោយបញ្ជាក់ថា ៖ «នេះជារឿងគ្មានមូលដ្ឋានច្បាស់»។
លើសពីនេះ ក៏បានឃើញអ្នកតំណាងរបស់តារាស្រីរូបនេះ បានសង្កត់ធ្ងន់ថា Im Nayoung នៅតែរក្សាទំនាក់ទំនងជិតស្និទ្ធជាមួយនឹងលោក Choi Woong ដដែល រីឯអ្នកតំណាងរបស់តារាប្រុសវ័យ ៣៦ ឆ្នាំ ឯណោះវិញ ក៏បានចេញសេចក្តីថ្លែងការណ៍ខ្លីដែរថា ៖ «ព័ត៌មានស្នេហានោះ គឺជាព័ត៌មានប្រឌិតទាំងអស់»៕ 
