ឡូយណាស់ ស៊ីន យូប៊ីន នឹងត្រៀមដើរលើកម្រាលព្រំក្រហម ក្នុងកម្មវិធី មហោស្រពភាពយន្តលើកទី76 នៅប្រទេសបារាំង
ភ្នំពេញ៖ អាចនិយាយបានថា កញ្ញា ស៊ីន យូប៊ីន ចាប់តាំងពីប្រឡូកលើវិថីសិល្បៈ តារារូបនេះ ពិតជាទទួលបានឱកាសការងារច្រើនជាបន្តបន្ទាប់។ ជាពិសេស នាងធ្លាប់បានទៅចូលរួម និងសម្ដែងភាពយន្តជាមួយនឹងតារាបរទេស ដូចជាថតរឿងជាមួយតារាថៃជាដើម។
លើសពីនេះទៅទៀត ប៉ុន្មានឆ្នាំចុងក្រោយនេះ កញ្ញ ស៉ីន យូប៊ីន កាន់តែធ្វើឲ្យហ្វេនអ្នកគាំទ្ររីករាយ ខណៈដែលនាងបានចេញទៅក្រៅប្រទេស ចូលរួមក្នុងកម្មវិធីធំៗលំដាប់ថ្នាក់អន្តរជាតិ។ មិនតែប៉ុណ្ណោះ នាងថែមទាំងធ្លាប់ដើរម៉ូតជូនប្រ៊េនដ៏ល្បីមួយនៅប្រទេសបារាំងផងដែរ។
ពិតណាស់ បន្ទាប់ពីជោគជ័យលើវិថីសិល្បៈមកជាច្រើនឆ្នាំ ហើយមានបទពិសោធន៍ធ្លាប់ចូលរួមកម្មវិធីធំៗច្រើនដងនោះ ថ្មីៗនេះកញ្ញា ស៉ីន យូប៊ីន បានប្រកាសថាខ្លួននឹងត្រៀមចេញទៅប្រទេសបារាំង ដើម្បីដើរលើកម្រាលព្រំក្រហម ក្នុងកម្មវិធី មហោស្រពភាពយន្តលើកទី76 នៅទីក្រុងកាន៕
ប្រភព៖ PNN Drama Fan Club
សូមទស្សនារូបភាពខាងក្រោម៖
