ដាក់ដំណើរការភ្លើងស្តុប៣កន្លែងទៀតដើម្បីសម្រួលចរាចរអំឡុងព្រឹត្តិការណ៍ស៊ីហ្គេម

រដ្ឋបាលរាជធានីភ្នំពេញ នៅថ្ងៃទី២៦ ខែមេសា ឆ្នាំ២០២៣នេះ បានដាក់ឱ្យដំណើរការភ្លើងស្តុបថ្មី ចំនួន ៣ទីតាំង នៅភូមិសាស្ត្រខណ្ឌជ្រោយចង្វារ ដើម្បីដោះស្រាយលំហូរចរាចរឱ្យបានល្អប្រសើរនៅពហុកីឡដ្ឋានមរតកតេជោនៅអំឡុងព្រឹត្តិការណ៍ប្រកួតកីឡាស៊ីហ្គេមនាពេលខាងមុខនេះ។

ភ្លើងស្តុបទាំង៣ទីតាំងនោះរួមមាន៖ ទី១.ភ្លើងស្តុបនៅចំណុចប្រសព្វមហាវិថីឈ្នះឈ្នះ និងមហាវិថី ស៊ូកាណូ(ផ្លូវបេតុងថ្មីស្របទន្លេសាបចាប់ពីផ្លូវជាតិលេខ៦ដល់ស្ពានព្រែកព្នៅ)។ ទី២.ភ្លើងស្តុបនៅចំណុចអនុវិទ្យាល័យព្រែករាំង និងទី៣.ភ្លើងស្តុបនៅចំណុចប្រសព្វផ្លូវជាតិលេខ៦ និងមហាវិថី ស៊ូកាណូ៕