ដំណឹងល្អ!កូនផ្សោតទី៣ទើបកើតបានមួយសប្ដាហ៍នៅអន្លង់កោះកូនសាត់ក្នុងខេត្តស្ទឹងត្រែង

(ខេត្តស្ទឹងត្រែង)៖ ក្រុមស្រាវជ្រាវនៃខណ្ឌរដ្ឋបាលជលផលខេត្តក្រចេះ និងស្ទឹងត្រែង រដ្ឋបាលជលផល និងអង្គការWWFបានកត់ត្រាកូនផ្សោតថ្មីមួយក្បាលទៀត នៅវេលាម៉ោង១៣៖៤២នាទីរសៀល ថ្ងៃទី២៥ ខែមេសា ឆ្នាំ២០២៣នេះ នៅចំណុចអន្លង់កោះកូនសាត់ ស្ថិតនៅក្នុងភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង។

តាមការអង្កេត កូនផ្សោតទើបកើតថ្មីនេះមានអាយុប្រមាណ១សប្តាហ៍កំពុងហែលជាមួយផ្សោតពេញវ័យ២ក្បាលទៀត។ ការកត់ត្រាកូនផ្សោតថ្មីនេះ ជាកូនផ្សោតទី០៣ហើយ កត់ត្រាចាប់តាំងពីខែមករា ដល់ខែមេសា ឆ្នាំ២០២៣។

គួរបញ្ជាក់ថា កាលពីឆ្នាំ២០២២ ក្រុមការងារបានកត់ត្រាកូនផ្សោតដែលកើតថ្មីបានចំនួន៦ក្បាល និងនៅឆ្នាំ២០២១ក្រុមការងារបានកត់ត្រាកូនផ្សោតដែលកើតថ្មីបានចំនួន៦ក្បាល៕