ដំណឹងល្អ!កូនផ្សោតទី២ដែលទើបនឹងកើតត្រូវបានប្រទះឃើញនៅអន្លង់អភិរក្សកាំពី

អ្នកបើកទូកទេសចរណ៍ប្រចាំអន្លង់កាំពីបានប្រទះឃើញកូនផ្សោតកើតថ្មីចំនួន១ក្បាលទៀត កំពុងហែលលេងជាមួយហ្វូងផ្សោតពេញវ័យជាច្រើនទៀតនៅអន្លង់កាំពី ភូមិកាំពី ឃុំ  ស្រុកចិត្របុរី ខេត្តក្រចេះ កាលពីថ្ងៃទី១៥ ខែមេសា ឆ្នាំ២០២៣ ដែលជាថ្ងៃបុណ្យចូលឆ្នាំខ្មែរថ្ងៃទី២។  អ្នកបើកទូកទេសចរណ៍បានរាយការណ៍ជូនប្រធានឆ្នាំទន្លេ  និងមន្ត្រីជលផលខេ្តតក្រចេះ  និងបុគ្គលិកអង្គការ WWFដើម្បីជាព័ត៌មាន កត់ត្រានិងតាមដានបន្តទៀត។

ក្រោយទទួលបានព័ត៌មាន ក្រុមស្រាវជ្រាវនៃខណ្ឌជលផលខេត្តក្រចេះ និងអង្គការ WWF ថ្ងៃទី១៨ ខែមេសា ឆ្នាំ២០២៣នេះ បានចុះតាមដានកូនផ្សោតទើបកើតថ្មី ដោយតាមការប៉ាន់ប្រមាណកូនផ្សោតនេះទើបតែមានអាយុប្រមាណ៣ថ្ងៃ។ នេះជាកូនផ្សោតទី២ ដែលបានកត់ត្រានៅឆ្នាំ២០២៣។

សូមបញ្ជាក់ថា នៅឆ្នាំ២០២២កន្លងទៅ ក្រុមការងារបានកត់ត្រាកូនផ្សោតបានចំនួន៦ក្បាល និងនៅឆ្នាំ២០២១ ក្រុមការងារបានកត់ត្រាកូនផ្សោតបានចំនួន៦ក្បាល៕