លោក Weir Sukollawat សាងសង់ផ្ទះសម្រាប់រស់នៅជាមួយ Bella Ranee

តារាសម្ដែងប្រុសថៃ Weir Sukollawat បានចែករំលែករូបភាពដែលលោកបានថតនៅលើវាលដីនៅលើគណនីអ៊ីនស្តាក្រាមផ្លូវការរបស់ខ្លួនហើយសរសេរថា “ខ្ញុំមកត្រួតពិនិត្យការកសាង។ ថ្ងៃនេះវាចាប់ផ្តើមហើយ …………ជ័យោ! សុភមង្គលរបស់ខ្ញុំ។”

ភ្លាមៗក្រោយពីតារាសម្ដែងរូបនេះបានបង្ហោះរូបភាពមួយសន្លឹកនេះ អ្នកគាំទ្រជាច្រើនបានចូលទៅបញ្ចេញមតិលើរូបថតហើយសួរថាតើវាជាផ្ទះសម្រាប់លោកនិង តារាសម្ដែង Bella Ranee បន្ទាប់ពីរៀបការមែនដែរឬទេ។

យ៉ាងណាមិញគូស្នេហ៍មួយគូនេះតែងតែមានភាពផ្អែមល្ហែមជាមួយគ្នាសូម្បីតែពួកគេរវល់ធ្វើការយ៉ាងណាក៏ដោយ អ្នកទាំងពីរតែងតែមានដំណើរកម្សាន្តជាមួយគ្នាជារឿយៗដែលធ្វើឲ្យចំណងស្នេហារបស់អ្នកទាំងពីរកាន់តែស្អិតរមួតទ្វេដង។

ទោះជាយ៉ាងណា ចំពោះរូបថតមួយសន្លឹកនេះ អ្នកគាំទ្រនៅពុំទាន់ដឹងថា តារាសម្ដែង Weir Sukollawat សាងសង់សម្រាប់សម្រាកលំហែកាយពេលលោកទំនេរពីការងារ ឬមួយក៏ទុកសម្រាប់រស់នៅជាមួយ Bella Ranee បន្ទាប់ពីរៀបការឬមានហេតុផលផ្សេងយ៉ាងណានោះទេ៕