មហាជនថៃទាមទារឱ្យThiagoលុបស្នាមសាក់ពាក្យ«ម៉ឺយថៃ»ចេញពីខ្នងសិនមុនចង់ផ្សព្វផ្សាយគុនខ្មែរទៅកាន់ពិភពលោក

យ៉ាងណាក៏ដោយ ការបង្ហោះរបស់ Thiago Teixeira ហាក់បានធ្វើឱ្យរសើបដល់អ្នកលេងបណ្ដាញសង្គមថៃ ហើយពួកគេមានការខឹងសម្បារយ៉ាងខ្លាំង ដោយទាមទារឱ្យអ្នកប្រដាល់រូបនេះ ត្រូវតែលុបស្នាមសាក់ដែលមានពាក្យ «ម៉ឺយថៃ» នៅលើខ្លួនរបស់គាត់ចេញ។

បើតាមការបង្ហោះដោយគណនីឈ្មោះថា เปาบุ้นจุ้น គេបានទាមទារឱ្យ Thiago Teixeira លុបស្នាមសាក់នៅលើខ្នងរបស់គាត់ចេញជាមុនសិន មុនពេលដែលគាត់ផ្សព្វផ្សាយគុនខ្មែរទៅកាន់ពិភពលោក។ ម្ចាស់គណនីនោះបានលើកឡើងថា Thiago Teixeira ធ្លាប់រកចំណូលពីម៉ឺយថៃ ខណៈមានឆន្ទៈចង់ផ្សព្វផ្សាយគុនខ្មែរ ដូច្នេះគាត់គួរតែលុបស្នាមសាក់ដែលពាក់ព័ន្ធនឹងម៉ឺយថៃ៕