តម្លៃប្រេងម៉ាស៊ូតចុះថ្លៃបន្តិច ខណៈសាំងធម្មតានៅត្រឹម៤,២០០រៀល/លីត្រដដែល

ក្រសួងពាណិជ្ជកម្ម នៅថ្ងៃទី១១ ខែមករា​ ឆ្នាំ២០២៣នេះ បានចេញសេចក្ដីជូនដំណឹងពីតម្លៃលក់រាយប្រេងឥន្ធនៈដែលត្រូវលក់រាយនៅតាមស្ថានីយប្រេងទូទាំងប្រទេស ចាប់ពីថ្ងៃទី១១ ដល់ថ្ងៃទី២០ ខែមករា។ ជាក់ស្ដែង បើប្រៀបធៀបទៅនឹងតម្លៃកាលពីថ្ងៃទី០១ ដល់ថ្ងៃទី១០ ខែមករា​កន្លងទៅ តម្លៃប្រេងម៉ាស៊ូតបានចុះថ្លៃបន្តិច ពី៤,៤៥០រៀលក្នុងមួយលីត្រ មកត្រឹម៤,៤០០រៀលក្នុងមួយលីត្រ ខណៈតម្លៃសាំងធម្មតានៅត្រឹម៤,២០០រៀលក្នុងមួយលីត្រដដែល៕