ស្ងាត់ៗស្រាប់តែតារាស្រីល្បីៗថៃជាច្រើនដួងមកប្រទេសកម្ពុជាបន្តបន្ទាប់គ្នា
នេះជារឿងមួយដ៏ភ្ញាក់ផ្អើលយ៉ាងខ្លាំង ដែលតារាសម្ដែងស្រីដ៏ល្បីប្រចាំប្រទេសថៃប៉ុន្មានដួងនេះស្រាប់តែបង្ហាញវត្តមានជាបន្តបន្ទាប់គ្នានៅលើទឹកដីប្រទេសកម្ពុជា។ វត្តមានរបស់តារាល្បីស្រីៗប៉ុន្មានដួងនេះ គឺ កញ្ញា Cris Horwang និង កញ្ញា Fon Sananthachat កញ្ញា Namtarn Pichukkana កញ្ញា Nycha Nuttanicha Dungwattanawanich និងកញ្ញា Pear Pitchapa បានហោះមកដល់ប្រទេសកម្ពុជាកាលពីម្សិលមិញនេះ ដោយពុំមានការប្រាប់ដំណឹងដល់អ្នកគាំទ្រដែលនៅកម្ពុជាឲ្យបានដឹងជាមុននោះទេ។
ដោយឡែកចំពោះវត្តមានរបស់តារាសម្ដែងល្បីៗប៉ុន្មានដួងនៅទីក្រុងភ្នំពេញ ដែលក្នុងការមកដល់ទឹកដីប្រទេសកម្ពុជាលើកទីមួយនេះ គឺពួកគេមកជាលក្ខណៈការងារដែលតម្រូវអោយចូលរួមជាភ្ញៀវកិត្តិយសក្នុងការសម្ភោធពិធីសាងសង់អគារមួយដ៏ធំនៅក្នុងទីក្រុងភ្នំពេញ។
ចំពោះការមកដល់ជាលើកទីមួយរបស់តារាសម្ដែងស្រីដ៏ល្បីទាំងប៉ុន្មានដួងនេះពិតជាធ្វើឲ្យអ្នកគាំទ្រជាច្រើនមានក្ដីរំភើបយ៉ាងខ្លាំងនឹងបានចូលទៅសរសេរ ស្វាគមន៍ចំពោះការមកដល់ប្រទេសកម្ពុជា ក៏ដូចជាចង់ជួបតារាសម្ដែងស្រីទាំងពីរនាក់នេះផ្ទាល់តែម្ដង តែមានអ្នកគាំទ្រមួយក្រុមក៏បានជួបពួកគេផ្ទាល់និងបានថតរូបទុកជាអនុស្សាវរីយ៍ជាមួយគ្នានៅពេលពួកគេចប់ការងារនិងវិលត្រលប់ទៅកាន់ប្រទេសថៃវិញ៕
