ជនសង្ស័យម្នាក់ពូកែខាងលួចគាស់យកទ្រព្យសម្បត្តិពលរដ្ឋក្នុងស្រុកគិរីវង់ត្រូវសមត្ថកិច្ចឃាត់ខ្លួន

(ខេត្តតាកែវ)៖ កម្លាំងសមត្ថកិច្ចនគរបាលនៃអធិការដ្ឋាននគរបាលស្រុកគិរីវង់ សហការជាមួយកម្លាំងប៉ុស្តិ៍នគរបាលរដ្ឋបាលព្រៈបាទជាន់ជុំ ថ្ងៃទី២៥ ខែ វិច្ឆិកា  ឆ្នាំ២០២២ វេលាម៉ោង ០២:១០ នាទី រំលងអាធ្រាត នៅភូមិកំពង់ ឃុំ ព្រះបាទជាន់ជុំ ស្រុកគិរីវង់ ខេត្តតាកែវ បានចុះឃាត់ខ្លួនជនសង្ស័យម្នាក់ដែលជាមុខសញ្ញាលួចគាស់តូបលក់ដូររបស់ប្រជាពលរដ្ឋក្នុងស្រុកគិរីវង់យ៉ាងសកម្ម។

ជនសង្ស័យដែលសមត្ថកិច្ចឃាត់ខ្លួននេះមានឈ្មោះ យៀន វិជ្ជរ៉ា(ហៅកូនត្រី) ភេទប្រុស  អាយុ១៩ឆ្នាំ (ជាមុខសញ្ញាលួចយ៉ាងសកម្ម) មានទីលំនៅភូមិពោធិ៍ខ្វិត ឃុំព្រះបាទជាន់ជុំ ស្រុកគិរីវង់ ខេត្តតាកែវ។ សមត្ថកិច្ចបានឱ្យដឹងថា ជនសង្ស័យនេះ បានធ្វើសកម្មភាពគាស់តូបអាជីវករនៅផ្សារទន្លាប់(ហៅផ្សារចាស់) ដែលជាម្ចាស់ឈ្មោះ ភោ សុខុម ភេទប្រុស  អាយុ៤៥ឆ្នាំ (ម្ចាស់តូប) មានទីលំនៅភូមិកំពង់ ឃុំព្រះបាទជាន់ជុំ ស្រុកគិរីវង់។

នៅក្នុងសកម្មភាពគាស់នេះ ជនសង្ស័យបានលួចគ្រឿងប្រាក់ចំនួន២៥ដំឡឹង និងរូបចម្លាក់ព្រះអង្គចំនួន២០ព្រះអង្គ សរុបជាទឹកប្រាក់ចំនួន ៥,០០០ ,០០០រៀល។ ក្រោយមកកម្លាំងសមត្ថកិច្ចបានឃាត់ខ្លួនជនសង្ស័យបាននៅព្រឹកថ្ងៃទី២៦ ខែវិច្ឆិកា ឆ្នាំ២០២២ នៅចំណុចភូមិពោធ៍ ឃុំព្រៈបាទជាន់ជុំ ស្រុកគិរីវង់ ខេត្តតាកែវ ។

បច្ចុប្បន្នសមត្ថកិច្ចជំនាញយើងបាននាំខ្លួនជនសង្ស័យយកមកធ្វើការសួកសួរ និងកសាងសំណុំរឿងតាមនីតិវិធី៕