ច្បាស់ហើយ! នាយពែកមី ចង់ចាកចេញពីCTNទាំងមិនអស់ចិត្ត ដោយសាររឿងនេះ ខណៈ លោកតា វ៉ិចទ័រ បញ្ជាក់ថា…
នាយពែកមី ជាតារាកំប្លែងដ៏ល្បីមួយរូបនៅប្រទេសកម្ពុជា ដោយឈរជើងលើវិថីសិល្បៈអស់រយៈពេលប្រមាណ១០ឆ្នាំមកហើយ ក្រោយពីវិវឌ្ឍខ្លួនពីកម្មករសំណង់។ នាយមានកំណើតសិល្បៈដល់សព្វថ្ងៃនេះ ក៏ដោយសារតែស្ថានីយទូរទស្សន៍CNNដែរ ហើយនាយបន្តឈរជើងនៅទីនោះរហូតដល់បច្ចុប្បន្ន។
ទោះយ៉ាងណា ស្របពេលកំពុងឈរជើងយ៉ាងរឹងមាំនៅស្ថានីយទូរទស្សន៍មួយនេះ នោះ ស្រាប់តែនាយប្រកាសដំណឹងយ៉ាងភ្ញាក់ផ្អើល បង្ហាញពីបំណងចាកចេញពីកន្លែង ដែលផ្ដល់កំណើតឲ្យខ្លួន ដោយលើកហេតុផលថា មិនពេញចិត្តនឹងអ្នកគ្រប់គ្រងថ្មី។
ជាក់ស្ដែង នៅថ្ងៃទី៣១ ខែឧសភា ឆ្នាំ២០២២នេះ នាយពែកមី បានបង្ហោះសារនៅលើទំព័រហ្វេសប៊ុករបស់ខ្លួនដូច្នេះថា ខ្ញុំប្រហែលជាត្រូវឈប់ពីស៊ីធីអិនហើយបងប្អូន បើមិនក្រុមហ៊ុនដកចេញ ក៏ឈប់ខ្លួនឯងដែរ ដោយសារ ខ្ញុំមិនពេញចិត្តការដឹកនាំរបស់អ្នកគ្រប់គ្រងថ្មី។
នាយពែកមី បន្តថា ខ្ញុំមិនចង់ចាកចេញពីស៊ីធីអិន ដែលជាផ្ទះ ជាកន្លែងផ្តល់កំណើតសិល្បៈអោយខ្ញុំទេ តែខ្ញុំសុខចិត្តចេញមុខតវ៉ាខ្លះ នូវរឿងដែលរឹតត្បិតតឹងតែងពេក ធ្វើអោយបុគ្គលិកមានសម្ពាធ»។
តារាកំប្លែងមានដើមកំណើតពីខេត្តស្វាយរៀងរូបនេះ បន្តថា សង្ឃឹមថាការឈប់របស់ខ្ញុំ នឹង អ្នកកំប្លែងផ្សេងទៀត អាចធ្វើអោយអ្នកគ្រប់គ្រងថ្មីគាត់មានការបន្ធូរបន្ថយ នូវច្បាប់ថ្មីដែលតឹងតែងរបស់គាត់ខ្លះ ដើម្បីបុគ្គលិក ដែលនៅគាត់បានសុខសប្បាយមិនសូវមានសម្ពាធ សូមអរគុណ ។
បន្ថែមលើនេះ នាយពែកមី បានបង្ហោះសារមួយទៀត ដោយបញ្ជាក់ថា សូមបងប្អូនសិល្បៈ ឬ បុគ្គលិក ដែលចូលទៅក្នុងCTN ហើយមានការសួរនាំច្រើន តឹងតែង ត្រូវបំពេញឯកសារផ្សេងៗ …ពីខាងសន្តិសុខ សូមបងប្អូនកុំខឹងនឹងគាត់អី គាត់ធ្វើតាមតែបញ្ជាថ្នាក់លើទេ បើគាត់មិនធ្វើគេដកគាត់គាត់ចេញ ដូចនេះសូមបងប្អូនអនុគ្រោះអោយខាងសន្តិសុខផង សូមអរគុណ ។
ជុំវិញរឿងនេះ លោកតា វ៉ិចទ័រ ដែលជាអ្នកគ្រប់គ្រងក្រុមកំប្លែង ស៊ីប៊ីអេស បានបញ្ជាក់ថា ដំណឹងនាយពាក់មី ចង់ចាកចេញគឺជាការពិត ដ្បិតដោយសារសម្ពាធពីអ្នកគ្រប់គ្រងខាងលើ មេធំ។ ចំពោះរូបលោកផ្ទាល់ នៅតែបន្តគ្រប់គ្រងក្រុមកំប្លែងដដែល៕
