ស្រណោះណាស់ ដូចឲ្យហេតុ ! មកដល់ រោងបុណ្យសព ភ្លាម សាឡាត់ ស្រីឡាង បានរៀបរាប់ រឿងដ៏ចម្លែកមួយ មុនពេល ឪពុក សុវត្ថិឌី ធារីកា ចេញទៅ ព្រះវិហារ ដើរលាអ្នកជិតខាង រួចផ្តាំឲ្យជួយមើល…
សូមបញ្ជាក់ឡើងវិញបន្តិចផងដែរថា កាលពីរសៀលម៉ោង 3 នា ថ្ងៃទី ១៧ ខែឧសភា ឆ្នាំ ២០២២ ឪពុកម្តាយ របស់ តារាចម្រៀង សុវត្ថិឌី ធារីកា បានលាចាកលោកនេះបាត់ទៅហើយ ក្នុងហេតុការណ៍គ្រោះថ្នាក់ចរាចរណ៍ ក្រឡាប់ឡាន ធ្លាក់ចូលទឹកប្រឡាយ នៅស្រុកឆែប ខេត្តព្រះវិហារ ម្សិលម៉ិញនេះតែម្តង។
ចំពោះសព អ្នកទំាងពីរ បានតម្កល់ ធ្វើបុណ្យតាមប្រពៃណី នៅវត្តស្ទឹងមានជ័យ រាជធានីភ្នំពេញ ព្រមទំាងមានការចូលរួមពីសំណាក់ភ្ញៀវកិត្តិយស និងមិត្តរួចសិល្បៈយ៉ាងច្រើនកុះករ។
តារាល្បីៗដែលបានមកចូលរួម មានដូចជា ៖ តារាចម្រៀង ករុណា ពេជ្រ, តារាចម្រៀង លោក សាន ផានិត, អ្នកនាង ខាត់ សុឃីម និងស្វាមី, តារាកំប្លែង កាតុ, តារាសម្តែង ឈិន មុន្នីនាថ, Vj ALaskoo, តារាសម្តែង Nunaa – នូណា, តារាចម្រៀង ទិត្យ សុធារី, កញ្ញា ណូម័រ, លោក G-Devith, រតនៈ ពិសី, តារាចម្រៀង ចឺម និងគូស្នេហ៍ រួមនិងតារាល្បីៗជាច្រើនទៀត ដែលមិនអាចរៀបរាប់អស់។
ខណៈពេលមកចូលរួមពិធីបុណ្យសព នេះ សាឡាត់ ស្រីឡាង បានប្រាប់រឿង ដ៏ភ្ញាក់ផ្អើលមួយ ពីឪពុក ធារីកា មុនពេលចេញទៅ ខេត្តព្រះវិហារ ដោយផ្តាំអ្នកជិតខាងយ៉ាងចម្លែកថា
ធារីកា គាត់ពួកម៉ាក់ខ្ញុំ ហើយឥឡូវហ្នឹងគាត់ក៏អ្នកជិតខាង របស់ខ្ញុំដែរ យើងនៅជិតគ្នាច្រើនឆ្នាំហើយបង គ្រាន់តែឮដំណឹងភ្លាម និយាយរួមអ្នកជិតខាងទំាងអស់គាត់ យំតែម្តង ទទួលយកអត់បាន ដោយសារគាត់ទៅលឿនពេក ហើយទៅស្រស់ៗពេក អ៊ីចឹងពួកខ្ញុំមានអារម្មណ៍ថា ពិបាកទទួលយក ហើយគាត់អ្នកជិតខាងគាត់ល្អមែនទែន គាត់គួរឲ្យស្រឡាញ់ គាត់គួរឲ្យគោរព…”។
ស្រីឡាង បន្តថា “គាត់ទៅខេត្តគឺទៅញឹកហ្មង ប៉ុន្តែងដោយសារតែលើកហ្នឹងដូចគាត់ផ្តាំលា ដូចលាអ្នកជិតខាងច្រើនគ្នា គាត់លាឲ្យជួយមើលផ្ទះគាត់ផង គាត់លាថាជួយមើលផ្កាផង គាត់ផ្តាំផ្ញើ ថាគាត់ទៅច្រើនថ្ងៃ ថ្ងៃ 20 អី គឺគាត់មកវិញហើយ គាត់ដូចលាអ្នកជិតខាងទំាងអស់ហ្មងបង រាងចម្លែកជាងរាល់ដង ព្រោះរាល់ដងគាត់ទៅខេត្តដែរតែគាត់គ្រាន់តែ លាយើងធម្មតា តែលើកហ្នឹងអត់ទេ…”។
ដើម្បីជ្រាបកាន់តែច្បាស់បន្ថែមទៀត សូមមើលវីដេអូខាងក្រោមនេះ ទំាងអស់គ្នា ៖
ប្រភពវីដេអូ ៖ តារាញូស៍ – Dara News
