ទិដ្ឋភាពសិល្បករ សិល្បការិនី កំពុងរង់ចាំទទួលសពឪពុក ម្ដាយ សុវត្ថិឌី ធារិកា នៅវត្តស្ទឹងមានជ័យ

នៅមុននេះបន្តិចខណៈពេលដែល សពឪពុកម្ដាយ របស់តារាចម្រៀងវ័យក្មេង សុវត្ថិឌី ធារិកា បានដឹកចេញពីខេត្តព្រះវិហារ យកមកភ្នំពេញ សិល្បករសិល្បការីនីជាច្រើនដួង បាននឹងកំពុងធ្វើការរងចាំទទួល សពធ្វើបុណ្យទាំងយប់ថ្ងៃទី១៧ ខែឧសភានេះ។

យោងតាមគណនីហ្វេសប៊ុកផ្លូវការរបស់លោក ហេង ឡុង បានបង្ហាញឱ្យឃើញពីទិដ្ឋភាពសិល្បករ សិល្បការិនី អ្នកនាង ចន ច័ន្ទលក្ខណា អ្នកនាងកាតុ និងតារាចម្រៀង តារាសម្ដែងច្រើនដួងទៀត កំពុងអង្គុយរងចាំសពដឹកពីខេត្តព្រះវិហារ យកមកធ្វើបុណ្យនៅរាជធានីភ្នំពេញ ក្នុងវត្តស្ទឹងមានជ័យ។

រម្លឹកផងដែរថាគ្រោះថ្នាក់ចរាចរណ៍ក្រឡាប់ឡានចូលក្នុងព្រែកនៅក្នុងស្រុក ឆែប ខេត្តព្រះវិហារ វេលាម៉ោងប្រមាណ៣រសៀលថ្ងៃទី១៧ ខែឧសភា បានឆក់យកជីវិតឪពុកម្ដាយរបស់តារាចម្រៀង សុវត្ថិឌី ធារិកា ហើយលោកយាយ និងប្អូនប្រុសបានរងរបួស៕