ណុប បាយ៉ារិទ្ធ ស្រក់ទឹកភ្នែក ពេលឃើញសមាជិកក្រុមរាំរបស់ខ្លួន ចូលប្រឡង ច្រៀងយ៉ាងពីរោះ….(វីដេអូ)
ពិតណាស់ ក្នុងសប្ដាហ៍ទី ២ នៃកម្មវិធីប្រឡងចម្រៀង Cambodian Idol វគ្គ Judge Audition ថ្ងៃទី ១៥ ខែឧសភា ឆ្នាំ ២០២២ យប់មិញនេះ កាន់តែធ្វើឱ្យមហាជនអ្នកគាំទ្រតាមដានកម្មវិធីលំដាប់ពិលោកមួយនេះ មានការចាប់អារម្មណ៍ខ្លាំងជាមួយនឹងការបង្ហាញសមត្ថភាពរបស់បេក្ខភាពចូលរួមប្រឡងនីមួយៗ។
ក្នុងសប្ដាហ៍ទី ២ នេះដែរ អ្វីដែលកាន់តែគួរឱ្យចាប់អារម្មណ៍ខ្លាំងនោះ ក្រោយឃើញបេក្ខភាពប្រឡងម្នាក់ឈ្មោះ ជ័យ សុខដារ៉ា បង្ហាញវត្តមានក្នុងកម្មវិធីប្រឡងចម្រៀងនេះ បានធ្វើឱ្យ តារាចម្រៀង ណុប បាយ៉ារិទ្ធ ហាក់ភ្ញាក់ផ្អើលជាខ្លាំង ព្រោះតែបេក្ខភាពរូបនោះជាសមាជិកក្រុមរាំរបស់លោក។
ក្នុងនោះ អ្វីដែលរឹតតែធ្វើឱ្យ លោក ណុប ប៉ាយារិទ្ធ ស្រឡាំងកាំងមិននឹកស្មានដល់ ក្រោយពីបានស្ដាប់កូនក្រុមរាំរបស់ខ្លួនបង្ហាញសមត្ថភាពបកស្រាយចម្រៀងមួយបទមានចំណងជើងថា «Perfect» បានយ៉ាងល្អខ្លាំង រហូតធ្វើឱ្យលោករំភើបហូរទឹកភ្នែកតែម្ដង ព្រោះតែកន្លងមកលោកពុំធ្លាប់បានដឹងថាកូនក្រុមរាំរបស់លោក រូបនេះ ចេះច្រៀង និងមានសមត្ថភាពអាចច្រៀងបានយ៉ាងពីរោះបែបនេះឡើយ។
យ៉ាងណាមិញ ចំពោះការបង្ហាញសមត្ថភាពរបស់ បេក្ខភាពរូបនេះដែរ មិនត្រឹមតែធ្វើឱ្យ លោក ណុប បាយ៉ារិទ្ធ រំភើបខ្លាំងនោះទេ រីឯគណៈកម្មការទាំង ៣ រូបទៀត ក៏មានការសរសើរខ្លាំងជាមួយនឹងសមត្ថភាពរបស់លោក ដែលអាចទទួលបាន Yes បួនឆ្លងទៅកាន់វគ្គបន្តទៀតផងដែរ៕ សូមទស្សនាវីដេអូខាងក្រោម៖
