លឿនណាស់! ផ្ទះឪពុកម្ដាយក្មេក នាយពែកមី សាងសង់រួចស្អាតគួរឱ្យចង់រស់នៅណាស់
កាលពីពេលកន្លងទៅ តារាកំប្លែកនាយ ពែកមី បានបំពេញភាពកតញ្ញូធ្វើឱ្យមហាជនកោតសរសើរជាខ្លាំង ដោយលោកបានសាងសង់ផ្ទះឈឺដ៏ធំស្កឹមស្កៃជូនឪពុកម្តាយបង្កើតរបស់ខ្លួនដែលមានទីតាំងនៅស្រុកកំណើត ខេត្តស្វាយរៀង ដែលផ្ទះដ៏ធំប្រណីតនោះបានចំណាយលុយអស់ ១៤ ម៉ឺនដុល្លារអាមេរិកឯណោះ។
ក្រោយពីសង់ផ្ទះជូនឪពុកម្ដាយបង្កើតរួចរាល់ កាលពីមួយរយៈមុននាយ ពែកមី និង ប្រពន្ធ ក៏បានសូត្រមន្តបុកគ្រឹះសង់ផ្ទះថ្មីមួយខ្នងទៀតជូនជូនឪពុកម្តាយក្មេក ក្នុងសំណង់បែបបុរាណកាត់សម័យដូចគ្នា ដែលមកទល់ពេលនេះ ផ្ទះថ្មីដែលសង់សម្រាប់ឪពុកម្តាយក្មេក បានសាងសង់ជិតរួចរាល់ ១០០ ភាគរយហើយ។
ពិតណាស់ផ្ទះថ្មីដ៏ធំប្រណីតដែលតារាកំប្លែងដ៏ល្បីរូបនេះសង់ជូនឪពុកម្ដាយក្មេក ពិតជាធំស្កឹមស្កៃខ្លាំងមិនធម្មតានោះទេ ជាពិសេសថ្មីៗនេះ នាយ ពែកមី បានបង្ហាញពីទិដ្ឋភាពផ្ទះនោះបានធ្វើឡើងជិតរួចរាល់ផងនោះ កាន់តែស្រស់ស្អាត ព្រមជាមួយនឹងក្បូរក្បាច់រចនាល្អសោភាគួរឱ្យចង់រស់នៅណាស់៕
