ញាក់សាច់! ក្រោយលែងលះ Admin ជីងចក់ បង្ហាញរថយន្តម្ដង ២ គ្រឿងហើយឆ្លៀតដាក់ប៉ុន្មានម៉ាត់នេះថា
ភ្នំពេញ ៖ ពិតណាស់ដូចដែលប្រិយមិត្តបានជ្រាបរួចមកហើយពីលោក ជឿន ប៊ុនចក់ ហៅ Admin ជីងចក់ ដែលជា អ្នកអត្ថាធិប្បាយការប្រកួតបាល់ទាត់ល្បីឈ្មោះទទួលបានការគាំទ្រយ៉ាងខ្លាំងពីសំណាក់មហាជនជាច្រើន។ ជាក់ស្ដែងផងដែរនោះបើងាកមកមើលកាលពីពេលថ្មីៗនេះលោកនិងភរិយាបានប្រកាសលែងលះគ្នាជាសាធារណៈហើយ
ក្រោយអ្នកនាង ទ្រិញ ផល្លា ដែលជាភរិយាចាប់បាន Admin ជីងចក់ លួចមានស្រីក្រៅខណៈដែលអ្នកនាងកំពុងតែឈឺ ។ យ៉ាងណាមិញក្រោយលែងលះគ្នាប៉ុន្មានថ្ងៃអ្នកនាង ផល្លាបានទម្លាយរឿងមួយនេះពី Admin ជីងចក់ ដែលតែងតែជិះរថយន្តទំនើបម៉ាក JEED ស្លាកលេខ JingJork មានតម្លៃខ្ទង់ ១០ មុឺនដុល្លារនោះ ទាំងកាតគ្រី ឈ្មោះ និងលុយ
តាមពិតជារថយន្តដែលអ្នកនាងជាអ្នកទិញអោយលោកប៉ុណ្ណោះដើម្បីបំពេញមុខមាត់ស្វាមីអោយមានរថយន្តទំនើបៗជិះ តែក្រោយពេលប្រកាសលែងលះគ្នាហើយនោះ រថយន្តទំនើបមួយគ្រឿងនេះត្រូវបានអ្នកនាង ផល្លា ដកឡើងធ្វើជាកម្មសិទ្ធិរបស់អ្នកនាងវិញហើយនិងបានបញ្ជាក់ថា
ប្រសិនបើ ឃើញរថយន្តនេះតាមផ្លូវ សូមបញ្ជាក់ថា មិនមែនadmin ជីងចក់ឡើយ ប៉ុន្តែ ជារថយន្តរបស់រូបនាង ខ្លួនជាអ្នកបើកមិនមែនជា Admin ជីងចក់ ឡើយ។ ដោយឡែកទៀតសោតបើងាកមកមើលពី Admin ជីងចក់ វិញក្រោយលែងលះលោកក៏បានទម្លាយរូបភាពប៉ុន្មានសន្លឹកជាមួយនិងរថយន្តដល់ទៅ ២ គ្រឿងតែម្ដងហើយឆ្លៀតភ្ជាប់សារមួយឃ្លានេះថា
“នៅកំលោះ មុនរៀបការមានខ្ញុំមានឡាន ២គ្រឿងដែរ គ្រាន់ជិះមើលនាយ មើលអាយនឹងគេ។១ជិះ ក្នុងក្រុង (Lexus 200T) មួយទៀត (Raptor 022) ទុកជិះចុះខេត្ត ទៅចំការលេង ឬទៅវត្តភ្នំម្ដងម្កាលដែរ។ តែក្រោយរៀបការហើយ អាឡាន២គ្រឿងនេះ វាមិនដឹងជាងាប់ទៅណា រកមិនឃើញសោះ”៕
