ច្រើនម៉្លេះ! អ្នកនាង ផល្លា ដាច់ចិត្តទម្លាយពីស្រីដែលបានឆាតញ៉ែជាមួយ Admin ជីងចក់ មានរហូតដល់ទៅ (មានវីដេអូ)
ភ្នំពេញ ៖ ដូចដែលប្រិយមិត្តបានជ្រាបរួចមកហើយពីរឿងរ៉ាវគ្រួសាររបស់អ្នកអត្ថាធិប្បាយការប្រកួតបាល់ទាត់ល្បីឈ្មោះ Admin ជីងចក់ និងភរិយាគឺអ្នកនាង ទ្រិញ ផល្លា ដែលកាលពីពេលថ្មីៗអ្នកនាង ផល្លា មានការខឹងសម្បារយ៉ាងខ្លាំងក្រោយរៀបការបានត្រឹមតែ ៥ ខែ អ្នកនាងចាប់បានស្វាមីរបស់ខ្លួនលួចឆាតញ៉ែស្រីផ្សេងខណៈដែលអ្នកនាងកំពុងតែឈឺធ្ងន់ និងកំពុងតែព្យាបាល បង្កជាការភ្ញាក់ផ្អើលខ្លាំង។
យ៉ាងណាមិញក្រោយពីចាប់បានស្វាមីលួចមានស្រី ស្រាប់តែនៅថ្ងៃទី ២៨ ខែ មេសា ឆ្នាំ ២០២២ នេះអ្នកនាង ផល្លា បានដាច់ចិត្តទម្លាយពីស្រីរបស់ Admin ជីងចក់ មានច្រើនរហូតដល់ទៅ ២១ នាក់ឯណោះ ដោយក្នុងនោះអ្នកនាងបានរៀបរាប់បែបនេះថា “ខ្ញុំសុំ live បកស្រាយជាសាធារណៈដើម្បីឲ្យបងប្អូនយល់ឲ្យជ្រាបថាមូលហេតុអីបានខ្ញុំលែងគ្នា
មូលហេតុអីបានខ្ញុំអស់ការអត់ធ្មត់បន្តដំណើរជីវិតជាមួយនិង ជីងចក់ ទៀត ហើយចាប់ពីថ្ងៃដែលខ្ញុំ live នេះតទៅ សុំសុំបញ្ចប់រឿងជាមួយ ជីងចក់ហើយបុគ្គលនេះ ក៏មិនមែនជាស្វាមីខ្ញុំទៀតទេ អ៊ីចឹងគាត់ចង់ chat ទៅស្រីណា គាត់ចង់ដើរធ្វើអំពើដែលសង្គមមិនទទួលស្គាល់បែបណាទៀតក៏អត់មានប៉ះពាល់ជាមួយនាងខ្ញុំដែរ
ពីព្រោះខ្ញុំមិនមែនជាភរិយារបស់គាត់ទៀតទេ ខ្ញុំចង់បញ្ចក់ជូនបងប្អូនប៉ុណ្ណឹងថាមូលហេតុអីដែលខ្ញុំត្រូវ Live សូម្បីតែថ្ងៃម៉ិញ បងប្អូនណា រឿងគេផ្អើលពេញប្រទេស ក៏នៅមានស្រី chat មក ពីព្រោះគាត់បាន chat ទៅគេ ហើយគេ chat ត្រឡប់មកគាត់វិញ ឈ្មោះ រចនា បាន chat មកវិញ
អ៊ីចឹងខ្ញុំរាប់ទំាងអ្នក chat មកថ្ងៃម៉ិញទៀត គឺលេខរៀងទី 21 មិនមែន 20 នាក់ទេ ណាបងប្អូន ឡើងលេខរៀងទី 21 ។ អ្នកនាង បានបន្តទំាងរំជួលចិត្តថា “ចាប់ពីថ្ងៃនេះតទៅ ខ្ញុំលែងមានទំនាក់ទំនងជាមួយបុគ្គលម្នាក់នេះទៀតហើយ”៕
