ឃើញរូបនេះ នឹកដល់រឿង «ទុំទាវ» បាត់ ! ផ្ទុះការភ្ញាក់ផ្អើលយ៉ាងខ្លាំង ក្រោយឃើញ តារាសម្តែង ស៊ុក សុភា សម្រេចសាងព្រះផ្នួស ក្នុងថ្ងៃនេះ រួចប្រាប់យ៉ាងខ្លីថា…
ទស្សនិកជនទូទៅ ពិតជាមិនទាន់ភ្លេចទេមើលទៅ នូវ អតីតតារាសម្តែងប្រុសដ៏សង្ហា និងល្បីម្នាក់ឈ្មោះ ស៊ុក សុភា នោះ ហើយលោក ក៏ធ្លាប់បានសម្តែងជាតួឯកប្រុស ក្នុងរឿង «ទុំទាវ» ជំនាន់ឆ្នាំ2000 ផងដែរ ដោយរឿងនេះផ្ទុះការគាំទ្រ និងពេញចិត្តយ៉ាងខ្លាំង ពីសំណាក់បងប្អូនប្រជាពលរដ្ឋខ្មែរ ទំាងក្នុង និងក្រៅប្រទេស ទោះមើលប៉ុន្មានដងក៏ដោយ ក៏នៅតែល្អមើល។
អស់រយៈពេលជាច្រើនឆ្នាំមកហើយ ដែលលោកបានសម្រេចចិត្តបោះបង់ជីវិត ជាអ្នកសិល្បៈ ហើយបានរៀបការ និងសាងគ្រួសារជាមួយភរិយា និងកូនៗ ជាទីស្រលាញ់ រស់នៅឯ ប្រទេសអូស្ត្រាលី យ៉ាងមានសុភមង្គល។
ចំណែកនៅមុននេះបន្តិច នាថ្ងៃទី ២៩ ខែមេសា ឆ្នាំ ២០២២ គ្រប់គ្នាផ្ទុះការចាប់អារម្មណ៍យ៉ាងខ្លាំង ក្រោយឃើញលោកកោរសក់ សាងព្រះផ្នួស នៅវត្តមួយកន្លែង ក្នុងប្រទេស អូស្ត្រាលី រួចបញ្ជាក់ប្រាប់ច្បាស់ៗ បែបនេះថា
“ដោយសារតែថ្ងៃនេះជា ថ្ងៃកំណើតរបស់អាត្មា អ៊ីចឹងទេ អាត្មាសូមសាងព្រះផ្នួសហើយ និងជាកិច្ចតបស្នង សងគុណដល់ញ៉ោមស្រី ញ៉ោមប្រុស របស់អាត្មាដែរ (ភិក្ខុទុំ)”។
ឃើញបែបនេះ ហ្វេនៗ ក៏ដូចជាមហាជនទូទៅសម្តែងអារម្មណ៍ទំាងនេះចេញមកថា ៖ Happy Birthday លោកប្អូន, រីករាយថ្ងៃកំណើតលោកបង, សាធុ សាធុ សាធុ, ប្រគេនពរ គង់ជាសុខ, លោកបងទុំបួសទៀតហើយ, ពិតជាប្រពៃណាស់, ឃើញរូបភាពនេះនឹកឃើញរឿង ទុំទាវណាស់បង, ល្អ លោកកបង, ប្រពៃណាស់លោកបង, ស័ក្តិសមណាស់ នៅក្នុងព្រះភ្នួស សមជាងលេងរឿងទៀត។
