ឯកឧត្ដម​ ពេជ្រ​ស្រស់​បាន​ដឹកនាំប្រតិភូបក្សចុះមកជួបប្រជុំក្រុមការងារឈរឈ្មោះក្រុមប្រឹក្សា ឃុំ សង្កាត់ នៃគណបក្ស យុវជនកម្ពុជាប្រចាំខេត្តសៀមរាប

(ខេត្តសៀមរាប​)៖គណបក្សយុវជនកម្ពុជាស្វាគមន៍បងប្អូនជនរួមជាតិខ្មែរដើម្បីកែប្រែសង្គមជាតិឲ្យរីកចម្រើននិង
ធានាបានយុត្តិធម៌សង្គម។ 20/03/2022 🇰🇭💐

គោលនយោបាយ ឃុំ-សង្កាត់ ចម្បងគ-យ-ក ៧ចំណុច
សម្រាប់ការបោះឆ្នោតអាណត្តិទី5ឆ្នាំ2022 មានដូចជា៖

១_បើកវេទិកាសាធារណៈរៀងរាល់មួយខែម្តងជាមួយ
ប្រជាពលរដ្ឋ ដើម្បីដោះស្រាយបញ្ហានានានៅក្នុង
មូលដ្ឋានឃុំ សង្កាត់

២_បោសសម្អាតការចរាចរនិងការប្រើប្រាស់គ្រឿងញៀន
នៅតាមមូលដ្ឋាន ឃុំ សង្កាត់ ដើម្បីធានាឲ្យបានការការ
ពារយុវជនកុំឲ្យខូចអនាគតដោយសារគ្រឿងញៀន និង
ពង្រឹងសុខសុវត្ថិភាពក្នុងមូលដ្ឋានឃុំ សង្កាត់

៣_ទិញរថយន្តពេទ្យសង្រ្គោះបន្ទាន់ ដឹកពលរដ្ឋមានជម្ងឺ
ក្នុងមូលដ្ឋាន ឃុំ សង្កាត់ បញ្ជូនទៅមន្ទីរពេទ្យដោយ
មិនគិតថ្លៃសេវាដឹកជញ្ជូនឡើយ

៤_ចាស់ៗ គ្មានទីពឹង ចាប់ពីអាយុ ៦០ ឆ្នាំ ឡើងទៅនឹង
ទទួលបានប្រាក់ឧបត្ថម្ភ១០ម៉ឺនរៀលក្នុងម្នាក់ជារៀង
រាល់ខែនិងទទួលបានការថែទាំពីរដ្ឋបាលឃុំ សង្កាត់

៥_ពង្រឹងការផលិតវិស័យកសិកម្មដើម្បីទទួលបានទីផ្សារ
លក់ឲ្យមានតម្លៃថ្លៃ

៦_បើកវគ្គបណ្តុះបណ្តាលពហុជំនាញដល់យុវជននៅក្នុង
មូលដ្ឋានឃុំ សង្កាត់ឲ្យមានជំនាញច្បាស់លាស់ក្នុងការ
ប្រកបមុខរបរចិញ្ចឹមជីវិតរបស់ពួកគេ

៧_ពង្រឹងការប្រើប្រាស់ថវិកា ឃុំ សង្កាត់ ឲ្យមានតម្លាភាព
ដើម្បីពន្លឿនការអភិវឌ្ឍនានានៅក្នុងមូលដ្ឋាន ឃុំ សង្កាត់
និងបង្កើនថវិកា៦០ម៉ឺនដុល្លារដល់ឃុំ សង្កាត់ក្នុងការជំរុញ
ការអភិវឌ្ឍន៍ ឃុំ សង្កាត់ ក្នុង១ឆ្នាំនៅពេលដែលគណបក្ស
យុវជនកម្ពុជាឈ្នះឆ្នោតដឹកនាំប្រទេសទាំងមូល។