កាន់តែខ្លោចចិត្តពេលដឹងរឿងនេះ ! កុមារម្នាក់ ដែលមានផ្ទះនៅជិតកន្លែងកើតហេតុ បានប្រាប់ថា ពេលដែល Tangmo ធ្លាក់ទឹកភ្លាមៗ នាងបានស្រែក ឲ្យគេជួយរហូតដល់ទៅ3ដង ហើយ Tangmo…
សូមរំលឹកឡើងវិញបន្តិចផងដែរថា កាលពីយប់ ថ្ងៃទី ២៤ ខែកុម្ភៈ ឆ្នាំ ២០២២ ទើបកន្លងផុតទៅ ប៉ុន្មានថ្ងៃនេះ អ្នកប្រើប្រាស់ នៅក្នុងបណ្តាញ សង្គមហ្វេសប៊ុក ជាច្រើន ផ្ទុះការភ្ញាក់ផ្អើល និងចាប់អារម្មណ៍យ៉ាងខ្លាំង ក្រោយទទួលបានដំណឹងថា តារាសម្ដែងថៃ ដ៏ល្បីឈ្មោះម្នាក់ គឺ Tangmo បានបាត់ខ្លួននៅក្នុងទឹកទន្លេ Chao Phraya។
ដឹងដំណឹងនេះភ្លាម ធ្វើឲ្យ ក្រុមអ្នកជំនាញជាច្រើន បាននិងកំពុងរុករក ដោយប្រើពេលអស់ជាច្រើនម៉ោង ហើយ តារាសម្ដែង ជាច្រើននាក់ សម្តែងក្តីបារម្ភយ៉ាងខ្លាំង និងបាននាំគ្នា បួងសួង សុំអោយ Tangmo មានសុវត្ថិភាព និងរួចផុតពីគ្រោះថ្នាក់។
ស្រាប់តែ នៅមុននេះបន្តិច នាថ្ងៃទី ២៦ ខែកុម្ភៈ ឆ្នាំ ២០២២ មហាជនជាច្រើន នៅក្នុងប្រទេសថៃ សម្តែងក្តីស្លុតចិត្ត យ៉ាងខ្លាំង ក្រោយទទួលបានដំណឹងថា គេរកឃើញសព របស់ Tangmo ហើយ។
ហ្វេសប៊ុកផេក Thai Star FanPage បានបញ្ជាក់បន្ថែមដូចនេះថា “ដំណឹង : ពេលនេះ គេរកឃើញរូបកាយ សពចែ Tangmo ហើយ សូមចូលរួមរំលែកទុក្ខផង។
Tangmo ពេលនៅរស់ គាត់ធ្លាប់និយាយថា គាត់មិនចង់អោយអ្នកណាឃើញ ពេលគាត់មិនស្អាតទេ អ៊ីចឹងហើយ ទើបគេមិនអោយអ្នកកាសែត ថតរូបគាត់ សភាពពេលនេះឡើយ”។
រឿងនេះមិនទាន់ចប់ទេ ដោយមុននេះបន្តិច នាថ្ងៃដដែល បើយោងតាមរយៈ ហ្វេសប៊ុកផេកមួយឈ្មោះ “Drama-Vibe” បានប្រាប់ថា “ករណីធ្លាក់ទឹកស្លាប់របស់ Tangmo ធ្វើឲ្យមានការវិភាគខុសៗគ្នា មិនដាច់ ហើយក៏មានអ្នកខ្លះសង្ស័យអាចជាករណី ឃាតកម្ម
តើ Tangmo ទៅជាមួយអ្នកណាខ្លះ? មិត្តជិតស្និទ្ធ ដែលទៅយឹតដំណើរ មិនបានឡើងទូកជាមួយ បាននិយាយថា នាងមិនស្គាល់អ្នកណាទាំងអស់ នៅក្នុងទូកនោះ។
ខាងតម្រួត បានសម្រេចប្តឹង2 ករណីទៅលើ បុរស Hi So (មនុស្សវណ្ណៈខ្ពស់) 2នាក់ ដែលបានរួមដំណើរជាមួយ Tangmo ទី1 បុរសឈ្មោះ ប៉ ជាម្ចាស់ទូក និងទី2 បុរសឈ្មោះ ប៊ើត ដោយត្រូវបានប្តឹងពីបទ មិនបន្ត License ទូកដែលអស់សុពលភាព និងបើកបរទូកដោយមិនមានប័ណ្ណបើកបរ ទាំង2នាក់ជាអ្នកបើកផ្ទាល់។
ដោយឡែកករណីធ្វេសប្រហែស ធ្វើឲ្យអ្នកដទៃបាត់បង់ជីវិត ខាងតម្រួត មិនទាន់បានបង្ហើបនោះទេ។
កាលពីម្សិលម៉ិញ មានកុមារម្នាក់ ដែលមានផ្ទះនៅជិតកន្លែងកើតហេតុ បានឲ្យការណ៍មកថា ពេលដែល Tangmo ធ្លាក់ទឹកភ្លាមៗ នាងបានស្រែក ឲ្យគេជួយរហូតដល់ទៅ3ដង ហើយ Tangmo ក៏ពូកែហែលទឹកដែរ បើតាមការលើកឡើងរបស់ម្តាយនាង កុមាររូបនោះ បានមើលហេតុការណ៍នោះរហូតដល់3ម៉ោង។
ប្រភព: Khaosod”៕
