ក្ដៅៗ ក្រុមអ្នកស្វែងរក Tangmo បានប្រទះឃើញសពមួយនៅម្តុំកន្លែងនាងបាត់ខ្លួន តែមិនទាន់សន្និដ្ឋានច្បាស់ជានាងទេ
កាលពីយប់ថ្ងៃទី ២៤ ខែកុម្ភៈ ឆ្នាំ ២០២២ កន្លងទៅនេះ តារាសម្តែងស្រី Tang Mo បានធ្លាក់ទឹកនាទន្លេចៅផ្រះយ៉ា ដែលបង្កឱ្យមានការភ្ញាក់ផ្អើលតក់ស្លុតជាខ្លាំង ដល់មហាជន និង អ្នកគាំទ្រ។ ក្នុងនោះ តាំងពីកើតហេតុមក ខាងក្រុមអ្នកស្វែងរកបានខ្វែងដៃខ្វែងជើងតាមរកយ៉ាងសស្រាក់សស្រាំ ប៉ុន្តែមិនទាន់ឃើញស្រមោលរបស់នាងឡើយ។
យ៉ាងណាមិញ នៅថ្ងៃទី ២៥ ខែកុម្ភៈ ឆ្នាំ ២០២២ វេលាម៉ោង ១១ ថ្ងៃត្រង់នេះ តាមសារព័ត៌មាន Thairath បានឱ្យដឹងថា ក្រុមអ្នកស្វែងរក បានប្រទះឃើញសពមួយបានអណ្តែតឡើងនៅម្តុំស្ពានលេខ ៥ ម្តុំកន្លែងដែលតារាស្រី Tangmo បានធ្លាក់ទឹកនោះ តែគេមិនប្រាកដថាជាសពរបស់នាងនៅឡើយនោះទេ។
យ៉ាងណាមិញ ខាងមន្រ្តីក៏ប្រញាប់ប្រញាល់ចុះទៅត្រួតពិនិត្យមើលផងដែរ ហើយព័ត៌មានយ៉ាងណាទៀតនោះ គេនឹងទម្លាយជាបន្តទៀត៕
