ទម្លាយស្ថានភាពតួអង្គ អាបយាយយិប ក្នុងរឿងថៃល្បីមកជិត ២០ ឆ្នាំ នៅតែធ្វើឱ្យមហាជនចាំមិនភ្លេច…(មានវីដេអូ)
បើរំឭកទៅកាន់អតីតកាលក្នុងខ្សែភាពយន្តថៃប្រិយមិត្តច្បាស់ជានៅចាំជាក់ជាមិនខានរឿង អាបយាយយិប ដែលរឿងនេះកាលនោះផ្ទុះការគាំទ្រខ្លាំងពីមហាជន។ មិនថាមហាជនក្នុងស្រុកថៃប៉ុណ្ណោះទេដែលតាមដាន សូម្បីតែមហាជនក្រៅស្រុកដូចជាប្រទេសខ្មែរយើងក៏មានការគាំទ្រខ្លាំងដូចគ្នា។
ក្នុងរឿងអាបដ៏ល្បីនោះ មហាជនហាក់ចាប់អារម្មណ៍ខ្លាំងជាគេគឺតួអង្គ អាបយាយយិប ដែលដើរតួសម្ដែងដោយតារាស្រីជើងចាស់ Noi Natanee។ បច្ចុប្បន្នលោកស្រី Noi Natanee មានអាយុ ៧៤ ឆ្នាំ ហើយលោកស្រីគឺជាតារាស្រីម្នាក់ដែលមហាជនអ្នកទស្សនាចងចាំ និង អួតសរសើរមិនដាច់នោះទេ។
អស់រយៈពេលជាច្រើនឆ្នាំហើយដែលខ្សែភាពយន្តថៃរឿងនេះបានចាក់ផ្សាយ តែភាពល្បាញល្បីនៃសាច់រឿងនៅតែធ្វើឱ្យមហាជនចាំមិនភ្លេច ជាពិសេសតួអង្គ យាយយិប នេះតែម្ដង។
តាមបទសម្ភាសកាលពីពេលកន្លងទៅលោកស្រី Noi Natanee បានទម្លាយពីប្រវត្តិសិល្បៈរបស់លោកស្រីថា វារឿងចៃដន្យដែលលោកស្រីអាចសម្ដែងក្នុងរឿង អាបយាយយិប ហើយការសម្ដែងនោះលោកស្រីក៏ពុំបានរំពឹងថាលោកស្រីអាចល្បីមានមហាជនក្មេងចាស់ចងចាំច្រើននោះដែរ។
ខណៈដែលមានគេចងចាំលោកស្រីច្រើន អារម្មណ៍លោកស្រីផ្ទាល់ក៏សប្បាយចិត្តផងដែរ ព្រោះទៅណាមកណាតែងតែមានគេស្គាល់។
សព្វថ្ងៃលោកស្រី Noi Natanee នៅតែបន្តអាជីពសម្ដែងរបស់ខ្លួនដូចដើម ជាពិសេសតារាស្រីរូបនេះក៏ជាតារាស្រីម្នាក់ដែលមានទ្រព្យសម្បត្តិច្រើនផងដែរ។
ទោះបីជាមានទ្រព្យច្រើនតែតារាសង្កេតឃើញថាតារាស្រីរូបនេះជាមនុស្សម្នាក់ដែលចេះសន្សំសំចៃ ពុំសូវជាចាយវាយរហេតរហូតនោះ សូម្បីរបស់ប្រើប្រាស់ក៏ធម្មតាៗ មិនជារបស់ប្រេនខ្លាំងឡើយ៕
សូមទស្សនាវីដេអូខាងក្រោមនេះ
