ងៃស្អែកនេះ ជាគម្រប់ខួប១០០ ថ្ងៃរបស់តារាចម្រៀង ខេមរៈ ស្រីពៅ ហើយ

ដូចដែលប្រិយមិត្ត បានជ្រាបរួចមកហើយ ពីការបាត់បង់វត្តមានប្អូនស្រីរបស់កំពូលតារាចម្រៀងប្រុស លោក ខេមរៈ សិរីមន្ត នោះគឺកញ្ញា ខេមរៈ ស្រីពៅ ធ្វើឲ្យមានការភ្ញាក់ផ្អើលពីសំណាក់មហាជន យ៉ាងខ្លាំង ស្ទើរពេញផ្ទៃប្រទេសតែម្ដង ។

ជាមួយគ្នានេះដែរ គេក៏សង្កេតឃើញ មិនត្រឹមតែមានវត្តមាន របស់ប្រជាពលរដ្ឋដែលរស់នៅ ទីនោះទេ សូម្បីតែសិល្បករ សិល្បការិនីយើង ជាច្រើនដួងបានចូលរួមរំលែកទុក្ខដ៏សោកសៅមួយនេះផងដែរ។

ជាក់ស្ដែង នៅព្រឹកថ្ងៃស្អែកថ្ងៃទី ០៤ ខែឧសភា ឆ្នាំ២០១៩នេះ ត្រូវជាថ្ងៃគម្រប់​ខួប១០០ថ្ងៃរបស់ តារាចម្រៀងស្រីសម្បុរស្រអែម កញ្ញា ខេមរៈ ស្រីពៅ ដែលនឹងធ្វើនៅស្រុកកំណើត ក្នុងខេត្តកំពង់ចាម នេះបើតាមបង្ហោះនាពេលកន្លងមក ពីបង ប្អូនរបស់លោក ខេមរៈ សិរីមន្ត ។

គួររម្លឹកផងដែរថា តារាចម្រៀងស្រីដ៏មានប្រជាប្រិយភាព កញ្ញា ខេមរៈ ស្រីពៅ បាន ទទួលមរណភាពហើយ កាលពីថ្ងៃទី ២៥ ខែមករា ឆ្នាំ២០១៩វេលាម៉ោងមួយ រសៀលក្នុងប្រទេសឥណ្ឌា ដោយសារតែជំងឺសួត និងក្រលៀន៕