ចាប់បានបុរសបន្លំខ្លួនជាបុគ្គលិកធនាគារអេស៊ីលីដា បោកនាយកសាលា ELT អស់ជាង ៧ពាន់ដុល្លារ
ជនខិលខូចម្នាក់ជំនាញខាងឆបោ.កតាមប្រព័ន្ធទូរស័ព្ទថាត្រូវរង្វាន់ពីក្រុមនេះ ពីក្រុមហ៊ុននោះ ពេលនេះជាប់អន្ទាក់របស់សមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញហើយ ហើយក៏ត្រូវបានចាប់បញ្ជូនទៅតុលាការ កាលពីថ្ងៃទី២០ ខែកុម្ភៈ ឆ្នាំ២០២២ ដើម្បីបើកការស៊ើបសួរ និងចោ-ទប្រកាន់ជាផ្លូវការ រួចឃុំខ្លួ-ន-ដា-ក់ពន្ធ-នា-គា-រជាបណ្តោះអាសន្ន ដូច្នេះសូមបងប្អូនធ្លាប់រងគ្រោះមើលមុខគាត់ឲ្យច្បាស់ ។
ជនសង្ស័យខាងលើនេះ មានឈ្មោះ យត ដាណែត ហៅ ង៉ែត ភេទប្រុស អាយុ៣៥ឆ្នាំ មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវបេតុង ស្ថិតក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
បើតាមលោកវរសេនីយ៍ឯក ប៊ុន សត្យា នាយការិយាល័យនគរបាលព្រ-ហ្មទ-ណ្ឌកម្រិ-តស្រាលរាជធានីភ្នំពេញ បានឲ្យដឹងថា កាលពីថ្ងៃទី១៦ ខែកុម្ភៈ ឆ្នាំ២០២២ កម្លាំងការិយាល័យបានស្រាវជ្រាវឃាត់ខ្លួនជនសង្ស័យម្នាក់ដូចមានឈ្មោះខាងលើនេះ នៅចំណុចផ្ទះសំណាក់ យីហោ «ឌីមនោរម្យ» ផ្លូវលេខ៣៧១ ស្ថិតក្នុងសង្កាត់បឹងទំពុន២ ខណ្ឌមានជ័យ រាជធានីភ្នំពេញ
ពាក់ព័ន្ធប-ទល្មើ-ស ឆបោ.-ក (អះអាងតាមទូរស័ព្ទប្រាប់ជនរងគ្រោះថា ខ្លួនជាបុគ្គលិកធនាគារអេស៊ីលីដា រូចណែនាំឲ្យជនរងគ្រោះបំពេញលក្ខខណ្ឌតាមការណែនាំរបស់ខ្លួន ហើយដកយកប្រាក់ចំនួន៧ ២០០ ដុល្លារអាមេរិក ពីក្នុងគណនីធនាគារអេស៊ីលីដារបស់ជនរងគ្រោះ) ដែលប្រព្រឹត្តនៅរាជធានីភ្នំពេញ កាលពីវេលារសៀលថ្ងៃទី១៣ ខែកញ្ញា ឆ្នាំ២០២១ ។
ជាមួយគ្នានោះ សមត្ថកិច្ចក៏បានចាប់យកវត្ថុតាងរួមមាន ទូរស័ព្ទដៃម៉ាកសាំសុង អា១០អេស ពណ៌ខ្មៅ ស៊ីមកាតលេខ ០៨៦ ៥០០ ០៥០ ចំនួន១គ្រឿង ។ ចំណែកជនរងគ្រោះក្នុងអំពើឆបោ.កនេះ មានឈ្មោះ ជាង យី ភេទប្រុស អាយុ៧១ឆ្នាំ ស្នាក់នៅផ្ទះលេខ៧អឺ០+៩អឺ០ ផ្លូវលេខ១៣៦ ស្ថិតក្នុងភូមិ២ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ មុខរបរនាយកសាលា ELT ។
លោក ប៊ុន សត្យា បន្តថា មុនពេលកើតហេតុ កាលពីរសៀលថ្ងៃទី១៣ ខែកញ្ញា ឆ្នាំ២០២១ គឺមានករណីឆបោ.-កមួយយកប្រាក់អស់ចំនួនជាង៧ ០០០ ដុល្លារអាមេរិក ដែលប្រព្រឹត្តិនៅរាជធានីភ្នំពេញ ពីជនរងគ្រោះឈ្មោះ ជាង យី ភេទប្រុស ជានាយកសាលា ELT ហើយបង្កឡើងដោយជនសង្ស័យចំនួន៣នាក់ ក្នុងនោះមាន ១- ឈ្មោះ យត ដាណែត ហៅ ង៉ែត ភេទប្រុស អាយុ៣៥ឆ្នាំ និងបក្ខពួក ២-ឈ្មោះ ប៊ី ភេទប្រុស អាយុប្រហែល៣៧ឆ្នាំ និង៣- ឈ្មោះ ស្នា ភេទប្រុស អាយុប្រហែល២៨ ឆ្នាំ ។
លោកបន្តថា ហើយជនសង្ស័យឈ្មោះ ស្នា បានប្រើលេខទូរស័ព្ទដៃ ០៦១ ៦៦០ ៣៧៣ និងលេខ ០១១ ៤៩៥ ៣២១ តេទាក់ទងទៅទូរស័ព្ទដៃរបស់ជនរងគ្រោះ ដោយនិយាយប្រាប់ជនរងគ្រោះអំពីសេវាកម្មអេស៊ីលីដាម៉ូប៊ែលថា មានទឹកប្រាក់ជារង្វាន់ ដោយណែនាំឲ្យអតិថិជនចូលទៅក្នុងកម្មវិធីអេស៊ីលីដាម៉ូប៊ែល រួចចុចប៊ូតុងដកប្រាក់រហ័ស ដើម្បីដកប្រាក់ ដោយកុហកជនរងគ្រោះថា ជាទឹកប្រាក់រង្វាន់ ។
លោកបន្តថា នៅពេលដែលជនរងគ្រោះបញ្ចូលទឹកប្រាក់ហើយ រួចឲ្យចុចលើពាក្យថា បង្កើត ចំនួន៨ដង ពេលនោះទឹកប្រាក់នៅក្នុងគណនីរបស់ជនរងគ្រោះត្រូវបានផ្ទេរចេញដោយធនាគារអេស៊ីលីដា ហើយធនាគារអេស៊ីលីដា នឹងផ្ញើលេខកូដសម្ងាត់ចំនួន៦ខ្ទង់ត្រឡប់មកវិញ។
ពេលនោះឈ្មោះ ស្នា បានសួរជនរងគ្រោះថា មានឃើញលេខសម្ងាត់ចំនួន៦ខ្ទង់បង្ហាញលើទូរស័ព្ទដៃជនរងគ្រោះដែរឬទេ? បើឃើញសូមអានលេខសម្ងាត់ចំនួន៦ខ្ទង់នោះមកប្រាប់គេ(ជនសង្ស័យ) បន្ទាប់ពីជនរងគ្រោះបានអានលេខសម្ងាត់ចំនួន៦ខ្ទង់នោះប្រាប់ទៅឈ្មោះ ស្នា ហើយឈ្មោះស្នានោះក៏បានឲ្យទៅឈ្មោះ យត ដាណែត ហៅ ង៉ែត ជាអ្នកកត់លេខសម្ងាត់ដែលជនរងគ្រោះប្រាប់ ។
លោកបន្តទៀតថា បន្ទាប់មកឈ្មោះ យត ដាណែត ហៅ ង៉ែត ក៏បានប្រាប់លេខកូដសម្ងាត់នេះទៅកាន់ឈ្មោះ ប៊ី ដែលអង្គុយរង់ចាំនៅទូរអេធីអឹមរបស់ធនាគារអេស៊ីលីដាជាស្រេចនោះ រួចហើយឈ្មោះ ប៊ី ក៏បានដកប្រាក់តាមលេខសម្ងាត់ យកពីគណនីរបស់ជនរងគ្រោះបានចំនួន ៧ ២០០ ដុល្លារអាមេរិក រួចរត់គេចខ្លួនបាត់តែម្តង ។ នេះជាល្បិចជនខិលខូចមានលក្ខណៈជាប្រព័ន្ធ ហើយជំនាញខាងឆបោ.កប្រាក់បងប្អូនតាមទូរស័ព្ទថាត្រូវរង្វាន់ តែពេលនេះនៅទីបំផុតគេចមិនផុតពីព-ន្ធ-នា-គារឡើយ ៕
