លី ម៉ារីណា ប្រកាសចែកផ្លូវជាមួយស្វាមីជាសាធារណ: ក្រោមហេតុផលមួយនេះ….
កាលពីយប់ថ្ងៃទី ១៧ ខែកុម្ភៈ ឆ្នាំ ២០២២ នេះ មហាជនអ្នកតាមដានបណ្តាញសង្គមហ្វេសប៊ុករបស់អ្នកនាង លី ម៉ារីណា មានការភ្ញាក់ផ្អើលយ៉ាងខ្លាំង ក្រោយពីអ្នកនាងបានប្រកាសជាសាធារណៈថាខ្លួន និង ស្វាមីឈ្មោះ សាត ចាន់ថន បានបញ្ចប់ឈ្មោះប្តីប្រពន្ធគ្នាហើយ។
ក្នុងសារប្រកាសជាសាធារណៈ អមនឹងពាក្យសំណូមមួយចំនួន អ្នកនាង លី ម៉ារីណា បានរៀបរាប់ថា ៖ «នាងខ្ញុំ លី ម៉ារីណា សូមប្រកាសជាសាធារណៈថា នាងខ្ញុំ និង ស្វាមី ឈ្មោះ លោក សាត ចាន់ថន បានបញ្ចប់ទំនាក់ទំនងជាប្ដីប្រពន្ធដោយសារភាពមិនចុះសម្រុងនឹងគ្នាហើយ។ អ៊ីចឹងអ្វីៗគ្រប់យ៉ាង នាងខ្ញុំសូមបញ្ចប់ដោយសន្តិវិធី និង ទុកមុខរាប់អានគ្នា ហើយអ្វីដែលបានបញ្ចប់សូមឱ្យរក្សាតម្លៃទាំងសងខាង កុំបង្កហេតុផលក្នុងព័ត៌មានសង្គម ហើយកុំឱ្យបង្ហោះនូវអ្វីដែលឱ្យមានផលប៉ះពាល់ដល់សង្គមជាបន្តទៀត។ សូមអរគុណ»។
គួររំឭក ថាអ្នកនាង លី ម៉ារីណា បានរៀបការនឹងលោក សាត ចាន់ថន នៅឯក្រៅប្រទេសកាលពីអំឡុងឆ្នាំ ២០១២ និង បានមកកាត់ចំណងដៃនៅប្រទេសកម្ពុជា នៅឆ្នាំ ២០១៣។ មុននឹងលែងលះគ្នា អ្នកនាង និង អតីតស្វាមីក៏ទទួលបានចំណងដៃកូនប្រុសមួយរូបផងដែរ៕
