សន្ដានចិត្តល្អណាស់!គ្រាន់តែដឹង អៀង ចេនឡា ស្ថិតក្នុងស្ថានភាពធ្ងន់ធ្ងរ បែបនេះ ធ្វើឲ្យ កំពូលតារាចម្រៀង ព្រាប សុវត្ថិ នៅមិនសុខទេ ក៏សម្រេចជួយជាថវិកាចំនួន
សូមរំលឹកឡើងវិញបន្តិចផងដែរថា កាលពីថ្ងៃទី ១៥ ខែកុម្ភៈ ឆ្នាំ ២០២២ ទើបកន្លងផុតទៅប៉ុន្មានថ្ងៃនេះ គេឃើញ ពិធីករដ៏ល្បីឈ្មោះម្នាក់ឈ្មោះ សុខ រ៉ាស៊ី បានប្រកាសដំណឹងដ៏សែនភ្ញាក់ផ្អើលមួយពីបងប្រុសរបស់លោក គឺ តារាសម្តែង អៀង ចេនឡា ធ្លាក់ខ្លួនឈឺធ្ងន់ធ្ងរ ស្ទើរមិនគួរឲ្យជឿ ដោយលោកបានបញ្ជាក់បែបនេះថា
“បងប្រុសខ្ញុំ គាត់ឈ្មោះ៖ អៀង ចេនឡា គាត់ជាតារាចម្រៀង ពេលនេះ ឈឺធ្ងន់ ជំងឺ រលាកស្រោមខួរក្បាល លែងនិយាយដឹងអីហើយ រវឺរវាយបាត់បង ការចងចាំ សូមអធ្យាស្រ័យផង សម្រាប់បងប្អូនអ្នកហៅគាត់ធ្វើការងារទាំងប៉ុន្មាន!”។
បន្ទាប់ពីដឹងរឿងនេះភ្លាម ធ្វើឲ្យ កំពូលតារាចម្រៀងដ៏ល្បី ព្រា សុវត្ថិ មិននៅស្ងៀមទេ ក៏បានសម្រេចិត្ត ជួយជាថវិកា រហូតដល់ទៅ ២លានរៀល ឯណោះ សម្រាប់ សម្រាលថ្លៃព្យាបាល។ ក្នុងនោះ លោក ហេង ឡុង បានបញ្ជាក់បន្ថែមថា
“កំពូលតារាចម្រៀង ព្រាប សុវត្ថិ បានឧបត្ថម្ភថវិកា ចំនួន ២លានរៀល ជូនដល់ តារាសម្តែង លោក អៀង ចេនឡា ដែលមានជំងឺ រលាកស្រោមខួរក្បាលធ្ងន់ធ្ងរ តាមរយៈសមាគមមិត្តសិល្បៈស្ម័គ្រចិត្តជួយសង្គម បច្ចុប្បន្នកំពុងសម្រាកព្យាបាលនៅមន្ទីរពេទ្យកាល់ម៉ែត។”។
ក្រោយទទួលបានដំណឹងនេះភ្លាម ធ្វើឲ្យ ហ្វេនៗ ក៏ដូចជាមហាជនទូទៅ សម្តែងក្តីរំភើបយ៉ាងខ្លាំង នូវទឹកចិត្តដ៏សែនប្រពៃ របស់ កំពូលតារាចម្រៀងប្រុស រូបនេះ ដោយមិនដែលមើលរំលងឡើយ ក្នុងការជួយ អ្នកដែលកំពុងមានទុក្ខ។
ដើម្បីជ្រាប បន្ថែមទៀត សូមមើលរូបភាពខាងក្រោមនេះ ទំាងអស់គ្នា ៖
