គួរអោយសង្វែកណាស់!ជិះម៉ូតូបំណងទៅជួបសង្សារ តែអកុសលបែរជួបគ្រោះថ្នាក់ចរាចរណ៍រថយន្តបុកស្លាប់ទៅវិញ

ភ្នំពេញ ៖ យុវជនម្នាក់បានបាត់បង់ជីវិតភ្លាមៗ  ខណៈជិះម៉ូតូត្រួវរថយន្តបុកពេញទំហឹង កាលពីវេលាម៉ោង១២និង១០នាទី យប់ រំលងអធ្រាត្រ ឈានចូលថ្ងៃអាទិត្យ ទី១៣ ខែកុម្ភៈ ឆ្នាំ២០២២ ផ្លូវបេតុង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។

ជនរងគ្រោះមានឈ្មោះ សុខ គង់ អាយុ២៧ឆ្នាំ ជាជាងដែក ស្នាក់នៅសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញមានស្រុកកំណើត នៅខេត្តត្បូងឃ្មុំ ជិះម៉ូតូម៉ាក ឌ្រីមC125 ស៊េរីឆ្នាំ២០២០ ពណ៌ខ្មៅ ពាក់ស្លាកលេខត្បូងឃ្មុំ 1I-3435 ឯរថយន្តបង្កមិនស្គាល់អត្តសញ្ញាណ ។

តាមការសន្និដ្ឋានបានឲ្យដឹងថា មុនពេលកើតហេតុ ជនរងគ្រោះ ជិះម៉ូតូម្នាក់ឯង តាមបណ្ដោយផ្លូវបេតុង ក្នុងទិសដៅពីកើតទៅលិចក្នុងល្បឿនមធ្យម ខណៈមកដល់ចំណុចកើតហេតុ ស្រាប់តែមានរថយន្តមិនស្គាល់ម៉ាក បើកមកពីលិចយ៉ាងលឿន ( បញ្រ្ចាស់ទិសគ្នា) មកបុកចំពីមុខពេញទំហឹង បណ្តាលឲ្យជនរងគ្រោះស្លាប់ភ្លាមៗ រួចរថយន្តបើករត់គេចបាត់ ។