ផ្ទុះការស្ញើចសរសើរ តារាស្រីខ្មែរ ២ រូប លេចធ្លោខ្លាំងផ្នែកក្បាច់គុនល្បុក្កតោ
កន្លងមក អ្នកគាំទ្រក៏បានឃើញមានសិល្បការិនីជាច្រើន បានចូលរួមសម្តែង និង បង្ហាញក្បាច់គុនល្បុក្កតោតាមយៈការសម្តែងរបស់ខ្លួនជាច្រើនហើយដែរ តែជាក់ស្តែង បើទៅមើលសិល្បការិនី ២ រូប ដែលកំពុងតែអន្ទងចិត្តអ្នកគាំទ្រខ្លាំងលើសគេ ក៏ព្រោះតែអ្នកទាំង ២ មិនត្រឹមតែបានយកក្បាច់គុនបុរាណនេះមកសម្តែងតែម្យ៉ាងនោះទេ តែអ្នកទាំង ២ ក៏ជាកីឡាការិនីគុនល្បុក្កតោផងដែរ។
១. កញ្ញា សំ ថារ័ត្ន
កីឡាការិនីគុនល្បុក្កតោ កញ្ញា សំ ថារ័ត្ន ត្រូវបានគេដឹងថា នាងជាកីឡាការិនី និង បានហាត់គុនល្បុក្កតោមុននឹងបោះជំហានឈានជើងចូលវិស័យសិល្បៈមកម្ល៉េះ។ ក្នុងនោះ តារាស្រីរូបនេះមិនត្រឹមតែជាតារាស្រី ដែលបានបង្ហាញក្បាច់គុនបុរាណមួយនេះទៅកាន់ពិភពលោកតាមរយៈការសម្តែង និង ការប្រកួតនោះឡើយ កញ្ញា សំ ថារ័ត្ន ក៏បានហ្វឹកហាត់ក្បាច់គុនល្បុក្កតោ ដល់យុវជនខ្មែរជំនាន់ក្រោយទៀតផង។
២. កញ្ញា ពេជ្រ ចរណៃ
តារាសម្តែងរូបស្រស់ ពេជ្រ ចរណៃ ក៏ត្រូវបានមហាជនចាប់ក្រសែភ្នែកមិនតិចនោះដែរ លើក្បាច់គុនល្បុក្កតោរបស់កញ្ញា ដោយកន្លងមកនាងតែងបង្ហាញនៅក្នុងការសម្តែងជាដើមនោះ។ លើសពីនោះ មិនត្រឹមជាតារាសម្តែងនោះទេ កញ្ញា ពេជ្រ ចរណៃ ក៏ជាគ្រូបង្ហាត់គុនល្បុក្កតោមួយរូបផងដែរ៕
