ស្ងាត់ៗ តារាចម្រៀង ឈិន ម៉ានិច្ច ធ្វើពិធីឡើងគេហដ្ឋានថ្មី ជូនអ្នកមានគុណបាត់ នៅឯស្រុកកំណើត ពិតជាអធិកអធមណាស់ ថែមទំាងមាន តារាល្បីៗ ចូលរួមទៀត មានដូចជា…
សូមរំលឹកឡើងវិញបន្តិចផងដែរ តារាចម្រៀង ឈិន ម៉ានិច្ច គឺជាម្ចាស់ពានរង្វាន់ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី 2 កាលពីថ្ងៃទី ២៥ ខែមករា ឆ្នាំ ២០១៦ កាលនោះ ព្រោះតែរំភើបពេក ធ្វើឲ្យម៉ានិច្ច និយាយទំាងទឹកភ្នែក ដល់ថ្នាក់ ធ្វើឲ្យអ្នកដែលបានមកទស្សនាផ្ទាល់ ក៏យំតាមដែរ។
បច្ចុប្បន្ន ឈិន ម៉ានិច្ច គឺជាតារាចម្រៀង ដ៏មានប្រជាប្រិយមួយរូប នៅក្នុងផលិតកម្មរស្មីហង្សមាស ហើយតែងតែ លេចមុខ ក្នុងកម្មវិធីផ្សេងៗ មិនដែលដាច់ឡើយ ព្រមទំាងរក្សាបាននូវទឹកដមសំនៀងពីរោះរណ្តំដដែល។
ព្រោះតែជោគជ័យខ្លាំង បែបនេះ ធ្វើឲ្យ ឈិន ម៉ានិច្ច មានលទ្ធភាព អាចធ្វើផ្ទះមួយខ្នង ជូនអ្នកមានគុណ ព្រមទំាងបានធ្វើពិធីឡើងគេហដ្ឋានថ្មី កាលពីម្សិលម៉ិញនេះផងដែរ នាថ្ងៃទី ២៩ ខែមករា ឆ្នាំ ២០២២ នៅឯស្រុកកំណើត។
ម៉ានិច្ច បានភ្ជាប់សារមួយបញ្ជាក់ថា “នាងខ្ញុំ សូមលើកម្រាមដៃដប់ សំពះអរគុណ ដល់សិល្បៈរាមច្បង ព្រមទាំងបងៗ ប្អូនៗ មិត្តៗ និងភ្ញៀវកិត្តិយស ទាំងអស់គ្នា ដែលបានចូលរួម ពិធីឡើងផ្ទះថ្មី ដែលនាងខ្ញុំ បានធ្វើជូន ឪពុកម្តាយ នៅឯស្រុកកំណើត 29/01/2022
សូមជូនពរអោយអ្នកទាំងអស់គ្នា ជួបតែសេចក្តីចំរើនគ្រប់ពេលគ្រប់វេលា ទាំងអ្នកដែលមិនបានអញ្ជើញមក ក៏ផ្ញើ ABA ចងដៃដែរ ពិតជាអរគុណណាស់”។
ឆ្លៀតក្នុងឱកាសដ៏ពិសេសនោះ គេឃើញតារាល្បីៗក៏បានមកចូលរួមផងដែរ មានដូចជា បាន មុន្នីល័ក្ខ, ចំរើន សុភ័ក្រ, ម៉ៅ ហាជី, វណ្ណណារ៉ា។ ព្រមទំាងនៅមានតារាជាច្រើនទៀត ដែលមិនអាចរៀបរាប់អស់។
ដើម្បីជ្រាប កាន់តែច្បាស់បន្ថែមទៀតសូមើលរូបភាពស្អាតៗ ខាងក្រោមនេះ ទំាងអស់គ្នា ៖
