សើចចុកពោះ! អ្នកមីងម្នាក់ គាត់ថាបុរសម្នាក់នេះ មុខដូច ខេមរៈ សេរីមន្ត ទាំងភ្នែក សម្លេង ច្រមុះ និងប្រជ្រុយ “ដូចមែនអត់បងប្អូន”…(មានវីដេអូ)
កម្សាន្ត៖ ប្រិយមិត្តជាច្រើនប្រាកដជាស្គាល់រួចមកហើយពីកំពូលតារាចម្រៀងដ៏ល្បី លោក ខេមរៈ សេរីមន្ត ប្រចាំផលិតកម្មយក្យ ហង្សមាស ដែលបានប្រឡូកនៅក្នុងវិស័យសិល្បៈចម្រៀងអស់រយៈពេលជាច្រើនឆ្នាំមកហើយ ជាពិសេសលោក នៅតែទទួលបានប្រជាប្រិយភាព និងការគាំទ្រយ៉ាងពេញទំហឹង ពីសំណាក់ទស្សនិកជាច្រើន ផងដែរ។
ម៉្យាងវិញទៀត មិនត្រឹមតែទទួលបានភាពជោគជ័យ នៅក្នុងវិស័យសិល្បៈតែប៉ុណ្ណោះនោះទេ តែបើងាកមកមើលពី ជីវិតផ្ទាល់ខ្លួន របស់តារាប្រុសរូបនេះវិញ ឃើញថា ពិតជាមានសុភមង្គលយ៉ាងខ្លាំង ម៉្យាងវិញទៀត លោកថែមទាំងមានកូនស្រីដ៏គួរឲ្យស្រលាញ់ ដល់ទៅ ២នាក់ និងកូនប្រុសម្នាក់ទៀតផង ដែលធ្វើឲ្យក្រុមគ្រួសាររបស់លោក កាន់តែមានភាពកក់ក្ដៅ ផងដែរ ។
ទន្ទឹមនឹងនេះដែរ នៅមុននេះបន្តិច លោក ខេមរៈ សេរីមន្ត បានបង្ហោះវីដេអូមួយដែលធ្វើឲ្យមហាជនជាច្រើនអស់សំណើច ដោយសារតែមានអ្នកមីងម្នាក់ ដែលជាអ្នកលក់ផ្លែឈើនៅតាមផ្លូវ ភ្លាមនៅ លោក ខេមរៈ សេរីមន្ត ក៏បានឈប់ចុះទិញផ្លៃពុទ្រា ហើយអ្នកមីង នោះក៏បាននិយាយថា មុខស្អាតដូចខេមរៈ ទាំងរាង ទាំងសម្លេង ច្រមុះ ភ្នែក និងប្រជ្រុយ សឹងតែដូច ខេមរៈ សេរីមន្ត ។
អ្វីដែលកាន់តែអស់សំណើច លោក ខេមរៈ សេរីមន្ត ផ្ទាល់នេះឯងដែលកំពុងតែនិយាយជាមួយគាត់ នៅពេលសរសើរចប់ ស្រាប់តែលោក ខេមរៈ សេរីមន្ត ហុចលុយឲ្យអ្នកមីងនោះទេ ទាំងមិនបានប្រាប់ថា ជា ខេមរៈ សេរីមន្ត ពិតប្រាកដ ហើយ ខេមរៈ សេរីមន្ត ក៏បានបង្ហោះសារថា “មកទិញពុទ្រាញ៉ាំនៅសៀមរាបពុទ្រាខ្មែរនឹកឃើញកាលនៅក្មេងដើរបេះញ៉ាំស្រាប់តែមីងអ្នកលក់គាត់ថាមុខដូច(ខេមរៈ)ដូចមែនអត់បងប្អូន”៕សូមទស្សនាវីដេអូខាងក្រោម៖
