ផ្អើលភូមិ! កាប៉ាកឡាក ចុះធ្វើការតាមខេត្តស្លៀករ៉ូបក្រហមឆាល់ ផ្អើលមួយភូមិនាំគ្នាចោមមើល (មានវីដេអូ)
អ្នកលេងបណ្ដាញសង្គមសុទ្ធសឹងតែបានជ្រាបហើយ ពីប្ដីប្រពន្ធអ្នកសិល្បៈ លោក ថមមី និង អុ្នកនាង សួស វីហ្សា កំពុងតែឆក់បានការចាប់អារម្មណ៍គាំទ្រខ្លាំងពីមហាជនជាមួយនឹងជីវិតគ្រួសារ និង មុខជំនួញរបស់អ្នកទាំងពីរ។
ជាពិសេស ប្ដីប្រពន្ធមួយគូនេះ តែងធ្វើឱ្យមហាជនផ្ទុះសំណើចសើចសប្បាយគ្រប់គ្នាជមួយនឹងការតុបតែងខ្លួនប្លែកៗរបស់ លោក ថមមី ធ្វើជាភេទទី ៣ ខណៈពេលឡាយវីដេអូលក់ផលិតផលអនឡាញនោះ។
ជាក់ស្ដែង ថ្មីៗនេះ អ្វីកាន់តែចាប់អារម្មណ៍ទៀត លើបណ្ដាញសង្គមរបស់ អ្នកនាង សួស វីហ្សា បានបង្ហោះរូបភាព និង វីដេអូពីសកម្មភាពរបស់ អ្នកនាង និង ស្វាមី ព្រមទាំងក្រុមឆៃយ៉ាំចុះទៅធ្វើការតាមខេត្តដើម្បីធ្វើការចែករង្វាន់ដល់អ្នកភូមិនោះ ឃើញថាអ្នកទាំងពីរទទួលបានការស្វាគមន៍ពីអ្នកស្រុកភូមិយ៉ាងច្រើនកុះករ។
លើសពីនេះ លោក ថមមី ដែលអ្នកគាំទ្រហៅ នាង កាប៉ាកឡាក បានធ្វើឱ្យអ្នកភូមិផ្ទុះការចាប់អារម្មណ៍ចោមរោមទៅមើលលោកយ៉ាងភ្លូកទឹកភ្លូកដី ដោយសារតែលោក តុបតែងខ្លួនជាភេទទី ៣ ថែមទាំងរាំជាទីងមោងជាមួយក្រុមឆៃយ៉ាំនោះ កាន់តែធ្វើឱ្យអ្នកភូមិហាក់សើចសប្បាយអរគ្រប់គ្នាតែម្ដង៕
