ពិតជាលឿនណាស់ ! តារាចម្រៀង ខេមរៈ ស្រីពៅ បានទទួលមរណភាព អស់រយៈពេល ៣ ឆ្នាំហើយ ថ្ងៃនេះបងប្រុស ខេមរៈ សិរីមន្ត និងគ្រួសារបានធ្វើបុណ្យគំរប់ខួបអោយប្អូនស្រី រួចពោលទាំងសោកសៅថា…(មានវិដេអូ)
កម្សាន្ត ៖ រសៀលថ្ងៃទី ២៥ ខែមករា ឆ្នាំ២០១៩ គឺជាថ្ងៃដែលមហាជនខ្មែរ ក៏ដូចជាសិល្បៈករនិងសិល្បៈការិនីមានការតក់ស្លុតយ៉ាងខ្លាំង ព្រោះជាថ្ងៃដែលប្អូនស្រីពៅរបស់កំពូលតារាចម្រៀងដ៏ល្បីលោក ខេមរៈ សិរីមន្ត គឺកញ្ញា ខេមរៈ ស្រីពៅ បានទទួលមរណភាព នៅមន្ទីរពេទ្យប្រទេសឥណ្ឌា ។
យ៉ាងណាមិញចំពោះការបាត់បង់តារាចម្រៀងដ៏មានសម្ថភាពម្នាក់ដូចជា កញ្ញា ខេមរៈ ស្រីពៅ នេះគឺពិតជាធ្វើឲ្យទស្សនិកជនមានការសោកស្តាយជាពន់ពេក ហើយមូលហេតុដែលធ្វើឲ្យ កញ្ញា ខេមរៈ ស្រីពៅ ទទួលមរណភាពនោះគឺដោយសារតែជំងឺសួត និងក្រលៀនធ្ងន់ធ្ងរ ។
ជាក់ស្តែងនៅក្នុងថ្ងៃទី ២៤ ខែមករា ឆ្នាំ២០២២ នេះដែរ ក្រុមគ្រួសាររបស់តារាចម្រៀងលោក ខេមរៈ សិរីមន្ត បានរៀបចំពិធីបុណ្យគំរប់ខួបបីឆ្នាំ ដែលប្អូនស្រីបានលាចាកលោក ក្នុងនោះដែរលោក ខេមរៈ សិរីមន្ត បានបង្ហាញចំចាប់អារម្មណ៍បែបនេះថា ៖
« បុណ្យខួបបីឆ្នាំរបស់ប្អូនស្រី ខេមរៈស្រីពៅ សូមកុសលផលបុណ្យបានប្អូនប្អូនកុំបីខានឡើយ យប់នេះដឹងតែសប្បាយហើយមានល្ខោនផងមានចាបុីផងមានតន្រ្តីផង » ៕
