សិស្សសាលាវៀតណាមម្នាក់ បានស្លាប់ ក្រោយចាក់វ៉ាក់សាំងកូវីដ១៩ Pfizer ដូសទី២
ហាណូយ៖ សិស្សសាលាវៀតណាមម្នាក់នៅក្នុងខេត្តភូ ថូ បានស្លាប់កាលពីថ្ងៃអង្គារក្រោយចាក់វ៉ាក់សាំងកូវីដ១៩របស់ក្រុមហ៊ុនហ្វាយហ្សឺ(Pfizer)ដូសទី២។
សារព័ត៌មានក្នុងស្រុកវៀតណាមកាលពីថ្ងៃព្រហស្បតិ៍ បានអោយដឹងថា ក្មេងស្រីរងគ្រោះបានចាក់វ៉ាក់សាំងកូវីដ១៩ដូសទី១កាលពីថ្ងៃ៣ធ្នូ ឆ្នាំ២០២១ និងក្រោយមកមានអារម្មណ៍ធីងធោងនិងពិបាកដកដង្ហើម។ក្រោយបញ្ជូនទៅព្យាបាលនៅមន្ទីរពេទ្យ នាងបានជាសះស្បើយ។
ក្រោយការចាក់ដូសទី២កាលពីថ្ងៃចន្ទបាន២០នាទី ក្មេងស្រីមានអារម្មណ៍តឹងទ្រូង ចង់ក្អួតនិងពិបាកដកដង្ហើមហើយសន្លប់។នាងត្រូវបានបញ្ជូនទៅកាន់មន្ទីរពេទ្យ តែបានក្អួតឈាម សប់និងបេះដូងលែងដើរ។
នាយកដ្ឋានសុខាភិបាលខេត្តមិនទាន់ប្រកាសពីមូលហេតុនៃការស្លាប់របស់ក្មេងស្រីនេះជាផ្លូវការនៅឡើយទេ។
វៀតណាមបច្ចុប្បន្នចាក់វ៉ាក់សាំងកូវីដ១៩របស់ក្រុមហ៊ុន Pfizerសំរាប់កុមារអាយុ១២ដល់១៧ឆ្នាំ។ក្មេង៤នាក់មកហើយ អាយុ១២ និង១៦ឆ្នាំបានស្លាប់ក្រោយការចាក់វ៉ាក់សាំងកូវីដ១៩នៅវៀតណាមកាលពីឆ្នាំមុន។ ស្ត្រីអាយុ២៣ឆ្នាំម្នាក់ក៏បានស្លាប់ក្រោយចាក់វ៉ាក់សាំងPfizerដូសទី២នៅដើមខែមករានេះ។
កន្លងមកអាជ្ញាធរបាននិយាយថា មូលហេតុនៃការស្លាប់របស់ពួកគេមកពីប្រតិកម្មជ្រុលចំពោះវ៉ាក់សាំង។
អ្នកជំងឺកូវីដចំនួន១៥២នាក់ទៀតបានស្លាប់កាលពីថ្ងៃ២០មករាដែលនាំអោយចំនួនអ្នកស្លាប់ដោយកូវីដ១៩នៅវៀតណាមឡើងដល់៣៦.២៦៦នា៧លាននាក់៕
