អ្នកនាង ឱក សុគន្ធកញ្ញា និង លោក ឆន សុវណ្ណរាជ ចូលរួមក្នុងកម្មវិធីក្នុងជំនួបអាស៊ានលើកទី ៤០ នេះពិតជាស្រស់ស្អាតខ្លាំងតែម្ដង
ភ្នំពេញ ៖ ជាការពិតណាស់ដូចដែលប្រិយមិត្តពិតជាបានជ្រាបរួចមកហើយពីព្រឹត្តិការណ៍ពិសេសក្នុងពិធីបើកជាផ្លូវការពិព័រណ៍អន្តរជាតិ នៃវេទិកាទេសចរណ៍អាស៊ានលើកទី ៤០ ឆ្នាំ ២០២២ ដែលបានប្រារព្វរៀបចំឡើងនៅក្នុងក្រុងព្រះសីហនុ ដែលកម្ពុជាយើងជាម្ចាស់ផ្ទះក្នុងជំនួបលើកទី ៤០ នេះ។ ជាក់ស្ដែងផងដែរនោះ ក្នុងជំនួបលើកទី ៤០ នេះក៏មានការចូលរួមយ៉ាងច្រើនពីថ្នាក់ដឹកនាំជាច្រើនរូបមកពីប្រទេសក្នុងតំបន់អាស៊ាន
អ្វីដែលកាន់តែពិសេសនោះក្នុងនោះក៏មានវត្តមានតារាល្បីៗជាច្រើនរបស់កម្ពុជាបានចូលរួមក្នុងកម្មវិធីដ៏ធំនេះដែរយ៉ាងគគ្រឹកគគ្រេងតែម្ដង ។ ដោយឡែកទៀតសោតងាកមកមើលពីកំពូលតារាចម្រៀងអ្នកនាង ឱក សុគន្ធកញ្ញា និង លោក ឆន សុវណ្ណរាជ ក៏ចូលរួមក្នុងកម្មវិធីនេះដែរ
ជាមួយនិងការស្លៀកពាក់ឈុតពណ៌ទឹកសមុទ្រ ដែលច្នៃបែបបុរាណលាយសម័យយ៉ាងស្រស់ស្អាត និងទាក់ទាញភ្នែកខ្លាំង ដើម្បីធ្វើការបកស្រាយចម្រៀងរួមគ្នាលើឆាកមួយនេះ រហូតទទួលបានការចាប់អារម្មណ៍ខ្លាំងពីសំណាក់មហាជនជាច្រើន ៕
