ស្អាតៗដល់ហើយ ! អីយ៉ាស លេចមុខសុទ្ធតែ តារាល្បីៗ មកចូលរួមពិធីមង្គលការ ប្អូនប្រុសពៅ តារាសម្តែង សារ៉ាយ សក្ខណា ថ្ងៃនេះ មើលទៅម្នាក់ៗ តែងខ្លួនឡូយកប់ហ្មង មានដូចជា…(មានវីដេអូ)
មហាជនទូទៅ ក៏ដូចជា ប្រិយមិត្ត អ្នកស្នេហាវិស័យ ភាពយន្ត ពិតជាស្គាល់ ច្បាស់ជាក់ជាមិនខាន តារាសម្តែងស្រី ដ៏ល្បីឈ្មោះខ្លាំងម្នាក់ គឺ អ្នកនាង សារ៉ាយ សក្ខណា នោះ។ រាល់ការសម្តែងម្តងៗ របស់តារាស្រីរូបនេះ តែងតែមិនធ្វើឲ្យទស្សនិកជន ខកចិត្តឡើយ ដែលមានសមត្ថភាព អាចឆក់បេះដូង អ្នកតាមដាន ជក់ចិត្ត លង់តាម មិនចេះធុញទ្រាន់ឡើយ។
បច្ចុប្បន្ន សក្ខណា កំពុងមានសុភមង្គលខ្លាំង ជាមួយក្រុមគ្រួសារ ដ៏តូចមួយរបស់ខ្លួន តាមរយៈការបង្ហោះរូបភាពដ៏រីករាយ ជាញឹកញាប់ នៅក្នុងបណ្តាញសង្គមហ្វេសប៊ុក។
ចំណែកនៅថ្ងៃទី ១៦ ខែមករា ឆ្នាំ ២០២២ នេះ គេឃើញ ប្អូនប្រុសពៅ របស់ តារាស្រីរូបនេះ បានចូលរោងការតាមប្រពៃណីខ្មែរយើងហើយ ដោយកូនកំលោះមានឈ្មោះ សារ៉ាយ ដានិទ្ធ និងកូនក្រមុំ មានឈ្មោះ ជា យុគលីន ហើយមើលទៅអ្នកទំាងពីរ ពិតជាសមខ្លាំងណាស់។
ឆ្លៀតក្នុងឱកាសដ៏នេះ គេឃើញ តារាល្បីៗ ជាច្រើនរូប ក៏បានមកចូលរួមផងដែរ មានដូចជា តារាកំប្លែង អ្នកនាង គ្រត, នាយ ចាបចៀន, តារាសម្តែង នី មុន្នីនាថ, លោក ជួប ច័ន្ទកក្កដា ហៅរ៉ូលីន, លោក អេទ្បិច ច័ន្ទត្រា, ពិធីការិនី ថន លក្ខិណា, តារាសម្តែង ទឹម រដ្ឋា
រួមនិងតារាល្បីៗជាច្រើនរូបទៀត ដែលមិនអាចរៀបរាប់អស់ ដោយធ្វើការ តុបតែងខ្លួន ស្អាតៗ និងលាយឡំទឹកមុខ ស្រស់ស្រាយ ញញឹម គ្រប់ៗគ្នា។
អ្នកនាង សារ៉ាយ សក្ខណា បានបញ្ជាក់បន្ថែមទៀតថា “ថ្ងៃនេះ ជាថ្ងៃពិសេស របស់ប្អូនប្រុសពៅ នាងខ្ញុំ ខ្ញុំសូមអរគុណដល់អ្នកម៉ែ ជំទាវ ហ៊ុន ស៊ីណាត និងបងស្រី ជំទាវង៉ា និងមិត្តភ័ក្តិបងប្អូនទាំងអស់គ្នា។ កុំភ្លេចណា អ្នកទាំងអស់គ្នា ជួបគ្នាល្ងាចនេះ”។
ដើម្បីកុំឲ្យរងចាំយូរ សូមទស្សនាទិដ្ឋភាពទួទៅ នៃពិធីមង្គលការ ប្អូនប្រុសពៅ អ្នកនាង សារ៉ាយ សក្ខណា ទំាងអស់គ្នា ៖
