លោកប៉ា រ៉ាប៊ី និយាយផាំងបែបនេះ ក្រោយកូនស្រីបង្អូតរាងស៊ីអារម្មណ៍ពេលទៅលេងសមុទ្រ
ក្រៅពីមានទឹកដមសំឡេងផ្អែមស្រួយពីរោះដក់ជាប់ក្នុងបេះដូងទស្សនិកជន តារាចម្រៀងស្រីប្រចាំផលិតកម្មថោន រ៉ាប៊ី ក៏មានទេពកោសល្យផ្នែករាំយ៉ាងប៉ិនប្រសប់ធ្វើឱ្យមហាជនអ្នកគាំទ្រកាន់តែពេញចិត្តលើរូបនាង ជាពិសេសតារាស្រីរូបនេះថែមទាំងមានដងខ្លួនតូចស្រឡូន រូបសម្រស់ស្រស់ស្អាត ជាចំណុចទាក់ទាញទ្វេដង។
និយាយដល់រូបសម្រស់ ស្រីស្អាត រ៉ាប៊ី ក៏ត្រូវបានមហាជនចាត់ទុកជាតារាស្រីនិយមតុបតែងខ្លួនបញ្ចេញភាពសិចស៊ី ចូលចិត្តស្លៀកពាក់បង្អួតរាងមិនធម្មតាដែរ។
តួយ៉ាងថ្មីៗនេះ រ៉ាប៊ី បានទម្លាយរូបថតរំលេចដងខ្លួនតូចច្រឡឹង ចង្កេះមួយក្ដាប់ ខណៈធ្វើដំណើរកម្សាន្តលក្ខណៈគ្រួសារទៅកាន់តំបន់សមុទ្រ ហើយរឿងដែលមហាជនចាប់អារម្មណ៍ រ៉ាប៊ី ក៏បានថតជាមួយលោកប៉ាជាទីស្រឡាញ់ផងដែរ។
ទន្ទឹមនឹងការបង្ហាញរាងក្នុងឈុតទៅលេងសមុទ្រវាលចេញសាច់សខ្ចីនេះ ស្រីស្អាត រ៉ាប៊ី បានឱ្យដឹងថា លោកប៉ារបស់នាងបានអនុញ្ញាតហើយថា ៖ «My Dad ថាឈុតដើរសមុទ្រប៉ុណ្ណឹងអត់ sexy ទេពាក់ទៅកូន»៕
